മുംബൈ: മറാത്തി ചിത്രത്തിൽ കേന്ദ്ര കഥാപാത്രമായി മലയാളിതാരം നിമിഷ സജയൻ. നിമിഷയുടെ ആദ്യ മറാത്തി ചിത്രമായ ഹവാ ഹവായിയുടെ ട്രെയിലർ അണിയറ പ്രവർത്തകർ കഴിഞ്ഞ ദിവസം പുറത്തിറക്കിയിരുന്നു. ഇപ്പോൾ സമൂഹാദ്ധ്യമങ്ങളിൽ ഏറെ ചർച്ച ചെയ്യപ്പെടുന്നതും ട്രെയിലറിലെ ഒരു ഭാഗമാണ്. ഛത്രപതി ശിവജിയുടെ മുന്നിൽ കാവി തലപ്പാവ് അണിഞ്ഞ് നൃത്തം ചെയ്യുന്ന നിമിഷ സജയന്റെ വീഡിയോയാണ് സമൂഹമാദ്ധ്യമങ്ങളിൽ വൈറലാകുന്നത്. മറാത്തി കുടുംബനിയായാണ് താരം സിനിമയിലെത്തുന്നത്. മഹേഷ് തിലേകറാണ് ഹവാ ഹവായി സംവിധാനം ചെയ്തിരിക്കുന്നത്.
ട്രെയിലർ ഇതിനോടകം ശ്രദ്ധിക്കപ്പെട്ടിട്ടുണ്ട്. ചിത്രം ഒക്ടോബർ 7-ന് തിയറ്ററുകളിൽ റിലീസ് ചെയ്യുക. 99 പ്രൊഡക്ഷൻസിന്റെയും മറാത്തി താരക എന്നീ ബാനറിൽ സംവിധായകനായ മഹേഷ് തിലേകറും വിജയ് ഷിണ്ഡെയും ചേർന്നാണ് ചിത്രം നിർമിച്ചിരിക്കുന്നത്. സംവിധായകനായ മഹേഷ് തന്നെയാണ് ചിത്രത്തിന്റെ രചന, എഡിറ്റിംഗ്, ഗാനങ്ങൾക്കുള്ള വരികൾ എന്നിവ നിർവ്വഹിച്ചിരിക്കുന്നത്.
നിമിഷയ്‌ക്ക് പുറമെ മറാത്തി താരങ്ങളായ വർഷ ഉസ്ഗോങ്കർ, സമീർ ചൗഗുളെ, കിഷോരി ഗോഡ്ബോലെ, സിദ്ധാർഥ് ജാദവ്, അതുൽ തൊടാങ്കർ, ഗൗരവ് മോർ, മോഹൻ ജോഷി, സ്മിത ജയ്‌ക്കർ, സഞ്ജീവിനി ജാദവ്, പ്രജാക്ത ഹനമഘർ, ഗാർഗി ഫൂലെ, സീമാ ഗോഘലെ, പൂജ നായക്, അകിത് മോഹൻ, വിജയ് അൻഡാൽക്കർ, ബിപിൻ സർവെ എന്നിവരും ചിത്രത്തിൽ അണിനിരക്കുന്നു.
Comments