ഡ്യൂട്ടിക്കിടെ സെൽഫി വീഡിയോ; ഡ്രൈവർ സീറ്റിൽ കയറിയിരിപ്പ്; വനിതാ കണ്ടക്ടർക്ക് സസ്‌പെൻഷൻ – suspends lady conductor for shooting videos onboard 

മുംബൈ: ഡ്യൂട്ടിക്കിടെ സെൽഫി വീഡിയോ ഷൂട്ട് ചെയ്യുകയും ദൃശ്യങ്ങൾ സമൂഹമാദ്ധ്യമങ്ങളിൽ പ്രചരിപ്പിക്കുകയും ചെയ്ത വനിതാ കണ്ടക്ടറെ സസ്‌പെൻഡ് ചെയ്തു. മഹാരാഷ്‌ട്ര സ്റ്റേറ്റ് റോഡ് ട്രാൻസ്‌പോർട്ട് കോർപ്പറേഷന്റെതാണ് നടപടി.

#Maharashtra: Lady conductor suspended for #shootingvideos onboard ST bus#LadyConductor #Suspended #Viral #ViralVideo #Trending #TrendingNow #STBus #MSRTC #SocialMedia #MaharashtraNews pic.twitter.com/tVxkIqQcQw

— Free Press Journal (@fpjindia) October 3, 2022

ഡ്രൈവറുടെ സീറ്റിൽ അനുവാദമില്ലാതെ ഇരിക്കുകയും ഇതെല്ലാം സെൽഫി വീഡിയോയിൽ പകർത്തി അപ് ലോഡ് ചെയ്യുകയുമായിരുന്നു വനിതാ കണ്ടക്ടറായ സാഗർ മംഗൾ ഗോവർധൻ ചെയ്തത്. ഒസ്മാനാബാദ് ജില്ലയിലെ കലംബ് ഡിപ്പോയിലെ കണ്ടക്ടറാണ് ഈ യുവതി. സംസ്ഥാനത്തെ ഗതാഗതവകുപ്പിന്റെ പ്രതിച്ഛായ തകർക്കുന്ന വിധം പെരുമാറിയെന്ന് ചൂണ്ടിക്കാട്ടിയാണ് യുവതിക്കെതിരെ നടപടിയെടുത്തത്.

നേരത്തെ സഹപ്രവർത്തകരോട് മോശമായ ഭാഷയിൽ സംസാരിച്ചുവെന്ന് യുവതിക്കെതിരെ പരാതി ഉയർന്നിരുന്നു. സംഭവത്തിൽ 15 ദിവസത്തിനകം മറുപടി നൽകണമെന്ന് ആവശ്യപ്പെട്ടതിന് പിന്നാലെയാണ് സെൽഫി വീഡിയോ പ്രചരിച്ചത്.