പട്‌ന; ഹനുമാൻ ക്ഷേത്രത്തിൽ ഭജന ചൊല്ലിയ സ്ത്രീകളെ ആക്രമിച്ച് മതമൗലികവാദികൾ. ബിഹാറിലെ ഗോപാൽ പഞ്ച് ജില്ലയിലാണ് സംഭവം. പ്രദേശത്തെ ഹനുമാൻ ക്ഷേത്രത്തിൽ ഭജന നടത്തിയതാണ് ഇവരെ പ്രകോപിപ്പിച്ചത്.
അക്രമി സംഘത്തിലെ ഗോൾഡൻ അഹമ്മദ്,സുബ്രതി അഹമ്മദ്.സാദിദാൻ ഖാത്തൂൺ എന്നിവരെ തിരിച്ചറിഞ്ഞിട്ടുണ്ട്. ഇവരുൾപ്പെടെ 15 ലധികം പേർക്കെതിരെ പോലീസ് കേസെടുത്തു. ഭജനചൊല്ലിയത് ചോദ്യം ചെയ്ത ഇസ്ലാമിസ്റ്റുകൾ സ്ത്രീകളെ മർദ്ദിക്കുകയായിരുന്നു.രക്ഷിക്കാൻ ശ്രമിച്ചവരെയും ആക്രമിച്ചു.
മർദ്ദനത്തിൽ ഗുരുതരമായി പരിക്കേറ്റ സ്ത്രീകളെ ആശുപത്രിയിൽ പ്രവേശിപ്പിച്ചു. ദൈവത്തെ ആരാധിച്ചതിനും ഉച്ചഭാഷിണിയിൽ ഭജന വായിച്ചതിനും അവർ ഞങ്ങളെ മർദ്ദിച്ചവശരാക്കി. ഈ ക്ഷേത്രത്തിൽ ഭഗവാനെ ആരാധിക്കാൻ വരുന്നവരെയാണ് അവർ നോട്ടമിട്ട് ആക്രമിക്കാറെന്ന് മർദ്ദനമേറ്റ സ്ത്രീകളിലൊരാൾ വെളിപ്പെടുത്തി.
നവരാത്രിയുടെയും ദുർഗാപൂജയുടെയും വേളയിൽ ക്ഷേത്രത്തിൽ ഭക്തിഗാനങ്ങൾ ആലപിച്ചിരുന്നു. ഇത് ഇസ്ലാമിസ്റ്റുകളെ ഏറെ പ്രകോപിപ്പിച്ചിരുന്നതായാണ് വിവരം.ഇതിന് പിന്നാലെയാണ് സ്ത്രീകളെ ആക്രമിച്ചത്.
Comments