ബൾഗേറിയ: ലോകത്ത് ബാബാ വാംഗയെന്ന് വിളിപ്പേരുള്ള വാംഗേരിയ ഗുസ്തേറോവയെ അറിയാത്തവരായി അധികമാരും കാണില്ല. ആളുകളെ ഞെട്ടിച്ച ഒട്ടേറെ പ്രവചനങ്ങൾ നടത്തിയ ആളാണ് അവർ.മുത്തശ്ശി അങ്ങനെ വെറുതെ പറയുന്നതല്ല. ഇന്നുവരെ പ്രവചിച്ചതെല്ലാം ഫലിച്ചിട്ടുണ്ടെന്നതാണ് അവരുടെ സവിശേഷത.
വാംഗ മുത്തശ്ശിയെപ്പോലെ ആളുകളെ ഞെട്ടിപ്പിക്കുന്ന പ്രവചനങ്ങളുമായി ശ്രദ്ധ നേടുകയാണ്. ഒരു 19 കാരി. ഹന്ന കരോൾ പ്രവചിച്ച 28 സംഭവങ്ങൾ 2022 ൽ സത്യമായതോടെയാണ് ശ്രദ്ധക്കപ്പെടാൻ തുടങ്ങിയത്. ബ്രിട്ടീഷ് രാജ്ഞി എലിസബത്ത് 2 ന്റെ മരണം. താരദമ്പതികളായ പ്രിയങ്ക ചോപ്രയുടെയും നിക്ക് ജോനാസിന്റെയും കുഞ്ഞിന്റെ ജനനം,ഹാരി സ്റ്റെൽസിന്റെയും ബിയോൺസിന്റെയും പുതിയ ആൽബങ്ങൾ തുടങ്ങിയവ അതിൽ ചിലത് മാത്രമാണ്. ഹോളിവുഡ് താരങ്ങളായ കിം കർദാഷിയാന്റെയും പീറ്റ് ഡോവിഡ്സൺിന്റെയും വേർപിരിയൽ വരെ ഹന്ന കൃത്യമായി പ്രവചിച്ചു.
ഇനി 11 പ്രവചനങ്ങൾ കൂടി ഹന്ന നടത്തിയിട്ടുണ്ട്.ടെയ്ലർ സ്വിഫ്റ്റിന്റെ വിവാഹം മുതൽ പ്രകൃതിക്ഷോഭങ്ങളെ പറ്റി വരെയുള്ള പ്രവചനങ്ങൾ അക്കൂട്ടത്തിലുണ്ട്. എന്റെ എല്ലാ പ്രവചനങ്ങളും യാഥാർത്ഥ്യമാകുമെന്നാണ് കരുതുന്നത്. സമയത്തിൽ ചിലപ്പോൾ മാറ്റം വന്നേക്കാം പക്ഷേ പ്രവചിച്ചതെല്ലാം നടക്കുമെന്ന് ഹന്ന പറയുന്നു. ഹന്നയുടെ മുൻ പ്രവചനങ്ങൾ അച്ചട്ടായതിനാൽ ഇനി പറയുന്നതും നടക്കുമെന്നാണ് പലരും വിശ്വസിക്കുന്നത്.
താരദമ്പതികളായ പ്രിയങ്ക ചോപ്രയുടെയും നിക്കിന്റെയും കുഞ്ഞിനെ പറ്റിയുള്ള പ്രവചനം സത്യമായതോടെ സ്വകാര്യ വിഷയങ്ങളിലെ ഭാവി അറിയാനായി ഹന്നയെ സമീപിക്കുന്നവരും ഇന്ന് കുറവല്ല.പ്രണയജീവിതത്തെ കുറിച്ചോ കരിയറിനെ കുറിച്ചോ അറിയണമെങ്കിൽ 1,100 ഇന്ത്യൻ രൂപയാണ് അവർ ഈടാക്കുന്നത്. ഗർഭധാരണത്തെക്കുറിച്ച് അറിയണമെന്നുള്ളവരുടെ അടുത്ത് നിന്ന് 1,800 രൂപവരെ ഹന്ന ഈടാക്കുന്നു. ആഴ്ചയിൽ താൻ 30 ഓളം പ്രവചനങ്ങൾ നടത്തുന്നുണ്ടെന്നും അതിലൂടെ ഏകദേശം ഒന്നരലക്ഷം രൂപ സമ്പാദിക്കുന്നുണ്ടെന്നും ഹന്ന പറയുന്നു. തന്റെ അസാമാന്യ കഴിവ് വരുമാനമാർഗമാക്കി മാറ്റുകയാണ് ഈ 19 കാരി.
