കോട്ടയം: കാഞ്ഞിരപ്പള്ളിയിൽ പഴക്കടയിൽ നിന്നും മാമ്പഴം മോഷ്ടിച്ച കേസിൽ പ്രതിയായ പോലീസ് ഉദ്യോഗസ്ഥനെ കണ്ടെത്താൻ കഴിയാതെ പോലീസ്. സംഭവത്തിന്റെ ദൃശ്യങ്ങൾ പുറത്തുവന്ന് ഒരാഴ്ച ഊർജ്ജിത അന്വേഷണം തുടരുകയാണെന്ന് മാത്രമാണ് അന്വേഷണ സംഘം പറയുന്നത്. പ്രതി ഷിഹാബിനെ രക്ഷിക്കാനുള്ള ശ്രമത്തിന്റെ ഭാഗമാണ് അറസ്റ്റ് വൈകുന്നത് എന്നാണ് ഉയരുന്ന ആക്ഷേപം.
മാമ്പഴ മോഷണത്തിന്റെ ദൃശ്യങ്ങൾ പുറത്തുവന്നതിന് പിന്നാലെ ഇയാൾ ഒളിവിലാണ്. ഷിഹാബ് ഒളിവിൽ കഴിയുന്ന സ്ഥലത്തെക്കുറിച്ച് കൃത്യമായ വിവരം തങ്ങളുടെ പക്കൽ ഉണ്ടെന്നും പോലീസ് പറയുന്നുണ്ട്. എന്നാൽ ഇതുവരെ ഇയാളെ കസ്റ്റഡിയിൽ എടുക്കുകയോ അറസ്റ്റ് രേഖപ്പെടുത്തുകയോ ചെയ്തിട്ടില്ല. പോലീസിലെ ചില ഉന്നത ഉദ്യോഗസ്ഥരാണ് ഇയാളെ സംരക്ഷിക്കുന്നത് എന്നാണ് പുറത്തുവരുന്ന വിവരം.
ദിവസങ്ങൾക്ക് മുൻപാണ് ഷിഹാബിന്റെ മാമ്പഴ മോഷണത്തിന്റെ സിസിടിവി ദൃശ്യങ്ങൾ പുറത്തുവന്നത്. കഴിഞ്ഞ മാസം 30 നായിരുന്നു സംഭവം. കോട്ടയം മെഡിക്കൽ കോളേജ് ആശുപത്രിയിൽ ജോലി കഴിഞ്ഞ് മടങ്ങുന്നതിനിടെയായിരുന്നു ഷിഹാബ് മാമ്പഴം മോഷ്ടിച്ചത്.
Comments