സൗരോർജ്ജത്തിൽ തിളങ്ങുന്ന സൂര്യക്ഷേത്രത്തിന്റെ ഭംഗി ആസ്വദിച്ച് പ്രധാനമന്ത്രി; വീഡിയോ വൈറൽ

അഹമ്മദാബാദ് : ഗുജറാത്തിലെ മോധേരയിലുള്ള സൂര്യക്ഷേത്രത്തിന്റെ ഭംഗി ആസ്വദിച്ച് പ്രധാനമന്ത്രി നരേന്ദ്ര മോദി. സൗരോർജ്ജത്താൽ തിളങ്ങുന്ന സൂര്യക്ഷേത്രത്തിന്റെ രാത്രി ഭംഗി പ്രധാനമന്ത്രി ആസ്വദിക്കുന്ന വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ വൈറലാകുന്നത്. കേന്ദ്ര മന്ത്രി മാൻസുഖ് മാണ്ഡവ്യയാണ് വീഡിയോ ട്വിറ്ററിൽ പങ്കുവെച്ചത്.

പ്രകാശത്തിൽ ജ്വലിച്ച് നിൽക്കുന്ന സൂര്യക്ഷേത്രത്തെ വീഡിയോയിൽ കാണാനാകും. വളരെ ദൂരെ നിന്ന് പ്രധാനമന്ത്രി അത് ആസ്വദിക്കുന്നതും കാണാം. സൂര്യക്ഷേത്രം സൗരോർജ്ജത്താൽ ശോഭിതമായി എന്നും ഈ ഗ്രാമം വരും കാലങ്ങളിൽ ഉയർച്ചയ്‌ക്ക് പുതിയ പശ്ചാത്തലമൊരുക്കുമെന്നും കേന്ദ്രമന്ത്രി കുറിച്ചു.

सौर ऊर्जा से जगमगाता 'सूर्य मंदिर'

प्रधानमंत्री @NarendraModi जी ने मोढेरा में 3D प्रोजेक्शन मैपिंग का उद्घाटन किया। पूर्ण रूप से सौर ऊर्जा से संचालित यह गाँव आने वाले समय में क्लीन ऊर्जा के उदय की नई पृष्ठभूमि तैयार करेगा। pic.twitter.com/lnTnNdi2ZK

— Dr Mansukh Mandaviya (@mansukhmandviya) October 9, 2022

ഇന്നാണ് മോധേരയെ ഇന്ത്യയിലെ ആദ്യ സൗരോർജ്ജ ഗ്രാമമായി പ്രധാനമന്ത്രി നരേന്ദ്ര മോദി പ്രഖ്യാപിച്ചത്. പദ്ധതിയുടെ ഭാഗമായി ഗ്രാമത്തിലെ ആയിരത്തിലധികം വീടുകളിൽ സോളാർ പാനലുകൾ സ്ഥാപിച്ചു. സൂര്യ ക്ഷേത്രത്തിലെ 3-ഡി ഡിസ്പ്ലേയും അദ്ദേഹം നാടിന് സമർപ്പിച്ചു.

മോധേരയിലെ ജനങ്ങൾ സൗരോർജ്ജം ഉപയോഗിച്ചതിന് ശേഷം വൈദ്യുതി ബില്ലിൽ 60 ശതമാനം മുതൽ 100 ശതമാനം വരെ ലാഭം ഉണ്ടാക്കുന്നുണ്ടെന്ന് അദ്ദേഹം പറഞ്ഞു. അത് കാരണം വൈദ്യുതിക്ക് അധികം പണം ചിലവാക്കേണ്ടി വന്നിട്ടില്ലെന്നും അദ്ദേഹം വ്യക്തമാക്കി. മോധേര ഇനി സൂര്യഗ്രാമം എന്നറിയപ്പെടുമെന്നും പ്രധാനമന്ത്രി വ്യക്തമാക്കി.