ന്യൂഡൽഹി: ഡി വൈ ചന്ദ്രചൂഡ് ഇന്ത്യയുടെ അടുത്ത ചീഫ്ജസ്റ്റിസായി ചുമതലേയൽക്കും. നിലവിലെ ചീഫ്ജസ്റ്റിസ് യു യു ലളിതാണ് തന്റെ പിൻഗാമിയുടെ പേര് നിർദേശിച്ചത്. യു യു ലളിത് നവംബർ എട്ടിന് വിരമിക്കും. ജസ്റ്റിസ് ചന്ദ്രചൂഡിന് രണ്ട് വർഷത്തോളം സ്ഥാനത്ത് തുടരാനാകും. 2024 നവംബർ 10ന് ആണ് അദ്ദേഹം സുപ്രീംകോടതിയിൽ നിന്ന് വിരമിക്കുക.
നടപടിക്രമം അനുസരിച്ച് സുപ്രീംകോടതി ചീഫ്് ജസ്റ്റിസ് സ്ഥാനമൊഴിയുന്നതിന് ഒരു മാസം മുമ്പ് പിൻഗാമിയെ ശുപാർശ ചെയ്യണമെന്ന് ആവശ്യപ്പെട്ട് കൊണ്ട് കേന്ദ്ര നിയമന്ത്രി രാജ്യത്തെ ഉന്നത ജഡ്ജിക്ക് കത്തെുഴുതാറുണ്ട്. സുപ്രീം കോടതിയിലെ എല്ലാ സിറ്റിംഗ് ജഡ്ജിമാരുടെയും സാന്നിധ്യത്തിൽ ഇന്ന് രാവിലെയാണ് നിലവിലെ ചീഫ് ജസ്റ്റിസ് യു യു ലളിത് ചന്ദ്രചൂഡിനെ ശുപാർശ ചെയ്യുന്ന കത്ത് കൈമാറിയത്. സ്ഥാനം ഒഴിയുന്ന ചീഫ് ജസ്റ്റിസ് അടുത്ത സീനിയർ ജഡ്ജിയെ ഉന്നത പദവിയിലേക്ക് ശുപാർശ ചെയ്യുകയാണ് കീഴ്വഴക്കം.
Comments