ഭോപ്പാൽ: മദ്ധ്യപ്രദേശിലെ ഉജ്ജൈനിൽ ശ്രീ മഹാകാൽ ലോക് ഇടനാഴിയുടെ ഒന്നാം ഘട്ടം രാജ്യത്തിന് സമർപ്പിച്ച് പ്രധാനമന്ത്രി നരേന്ദ്ര മോദി. മദ്ധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാൻ, മദ്ധ്യപ്രദേശ് ഗവർണർ മംഗു ഭായ് പട്ടേൽ എന്നിവരുടെ സാന്നിദ്ധ്യത്തിലായിരുന്നു ഉദ്ഘാടന ചടങ്ങുകൾ. ചടങ്ങിനെത്തിയ സന്യാസിവര്യന്മാരെ വന്ദിച്ച ശേഷമാണ് പ്രധാനമന്ത്രി ചടങ്ങുകളിലേക്ക് കടന്നത്.
രാജ്യത്തെ തന്നെ ഏറ്റവും നീളം കൂടിയ ഇടനാഴികളിൽ ഒന്നാണ് ശ്രീ മഹാകാൽ ലോക് ഇടനാഴി. 900 മീറ്ററാണ് ഇതിന്റെ നീളം. മഹാകാലേശ്വർ ക്ഷേത്ര നവീകരണ പദ്ധതിയുടെ ഒന്നാം ഘട്ട നിർമ്മാണ പ്രവർത്തനങ്ങളുടെ ഭാഗമായാണ് മഹാകാൽ ഇടനാഴി നിർമ്മിച്ചിരിക്കുന്നത്.
രാജ്യത്തെ അതിപ്രധാന ശിവക്ഷേത്രങ്ങളിൽ ഒന്നായ മഹാകാലേശ്വർ ക്ഷേത്രത്തിന്റെ ഭാഗമാണ് മഹാകാലേശ്വർ ഇടനാഴി. രാജ്യത്തെ 12 ജ്യോതിർലിംഗങ്ങളിൽ ഒന്നാണ് മഹാകാലേശ്വർ ജ്യോതിർലിംഗം. ക്ഷേത്രത്തിന്റെ സമീപത്തെ രുദ്രസാഗർ തടാകവും ക്ഷേത്ര നവീകരണ പദ്ധതിയുടെ ഭാഗമായി പുനർനവീകരിക്കുന്നുണ്ട്.
മഹാകാലേശ്വർ ക്ഷേത്ര നവീകരണ പദ്ധതിയുടെ അടുത്ത ഘട്ടത്തിൽ യോഗാ കേന്ദ്രം, കാഴ്ച ബംഗ്ലാവ് എന്നിവ ഉൾപ്പെടുന്ന വിനോദ കേന്ദ്രം നിർമ്മിക്കും. പദ്ധതിക്കായി മദ്ധ്യപ്രദേശ് സർക്കാർ 856 കോടി രൂപയാണ് ചിലവഴിക്കുക. തീർത്ഥാടകർക്കും സഞ്ചാരികൾക്കുമായി 23.90 കോടി രൂപ ചിലവിൽ അടിസ്ഥാന സൗകര്യങ്ങളും വികസിപ്പിക്കുന്നുണ്ട്. 316 കോടി രൂപ പദ്ധതിയുടെ ഒന്നാം ഘട്ടത്തിന് വേണ്ടി മാത്രമായി ചിലവാകും.
#WATCH | Ujjain, MP: PM dedicates to the nation Shri Mahakal Lok. Phase I of the project will help in enriching the experience of pilgrims visiting the temple by providing them with world-class modern amenities
Total cost of the entire project is around Rs 850 cr.
(Source: DD) pic.twitter.com/J1UnlU9XLa
— ANI (@ANI) October 11, 2022
Comments