ഹനുമാൻ ചാലിസ ആലാപനവുമായി വിദേശികൾ; വാരാണസിയിലെ ഹനുമാൻ ക്ഷേത്രത്തിൽ നിന്നുള്ള ദൃശ്യങ്ങൾ വൈറൽ

ഹിന്ദു വിശ്വാസികൾ ജപിക്കുന്ന കീർത്തനങ്ങളിൽ ഒന്നാണ് ഹനുമാൻ ചാലിസ. ശ്രീരാമഭക്തനായ ഹനുമാൻ സ്വാമിക്ക് വേണ്ടി വിശ്വാസികൾ ഭജിക്കുന്ന ഈ ചാലിസ ഭാരതത്തിൽ ഏറെ പ്രശസ്തവുമാണ്.

വിവിധ സംഗീതോപകരണങ്ങളിൽ, പല രാഗങ്ങളിൽ എല്ലാം ഹനുമാൻ ചാലിസ ആലപിക്കാൻ ഗായകർ ശ്രമിക്കാറുണ്ട്. ഇപ്പോഴിതാ ഹനുമാൻ ചാലിസയെ മനോഹരമായി അവതരിപ്പിച്ചിരിക്കുകയാണ് വാരാണസിയിലെത്തിയ ചില വിദേശികൾ. ഇതിന്റെ വീഡിയോ ദൃശ്യങ്ങളും വലിയ പ്രേക്ഷക ശ്രദ്ധ നേടുകയാണ്.

Foreigners recite Hanuman Chalisha at Sankat Mochan Hanuman Temple, Varanasi. 😍 pic.twitter.com/cg7OF7Sml0

— The Lost Girl (@Lost_Girl_00) October 11, 2022

തങ്ങളുടെ പക്കലുള്ള വയലിനും ഗിറ്റാറുമെല്ലാം ഉപയോഗപ്പെടുത്തി പാശ്ചാത്യസംഗീത രീതിയിൽ വിദേശികൾ ഹനുമാൻ ചാലിസ വായിക്കുന്നത് ദൃശ്യങ്ങളിൽ കാണാം. വാരാണസിയിലെ സാങ്കേത് മോചൻ ഹനുമാൻ ക്ഷേത്രത്തിലാണ് ഇത് നടന്നതെന്നാണ് കരുതുന്നത്.

ഭക്തിയോടെ ഈ ചാലിസ ആരു ഭജിക്കുന്നുവോ അവർക്ക് ഭഗവാൻ ഹനുമാന്റെ അനുഗ്രഹമുണ്ടാകുമെന്നാണ് ചാലിസ ആലപിക്കുന്നവരുടെ വിശ്വാസം. പണ്ട് കാലത്ത് ഗോസായി തുളസീദാണ് ഈ ചാലിസ എഴുതിയതെന്ന് പറയപ്പെടുന്നു. കൂടുതലായും ഉത്തരേന്ത്യയിലാണ് ഹനുമാൻ ചാലിസ പാരായണങ്ങൾ കണ്ടുവരുന്നത്. ഏറെ പ്രസിദ്ധമായ ചാലിസയിലെ ശ്ലോകങ്ങൾ വിദേശികൾ വായിക്കുന്നത് സോഷ്യൽമീഡിയ ഏറ്റെടുക്കുകയായിരുന്നു.