ഹിന്ദു വിശ്വാസികൾ ജപിക്കുന്ന കീർത്തനങ്ങളിൽ ഒന്നാണ് ഹനുമാൻ ചാലിസ. ശ്രീരാമഭക്തനായ ഹനുമാൻ സ്വാമിക്ക് വേണ്ടി വിശ്വാസികൾ ഭജിക്കുന്ന ഈ ചാലിസ ഭാരതത്തിൽ ഏറെ പ്രശസ്തവുമാണ്.
വിവിധ സംഗീതോപകരണങ്ങളിൽ, പല രാഗങ്ങളിൽ എല്ലാം ഹനുമാൻ ചാലിസ ആലപിക്കാൻ ഗായകർ ശ്രമിക്കാറുണ്ട്. ഇപ്പോഴിതാ ഹനുമാൻ ചാലിസയെ മനോഹരമായി അവതരിപ്പിച്ചിരിക്കുകയാണ് വാരാണസിയിലെത്തിയ ചില വിദേശികൾ. ഇതിന്റെ വീഡിയോ ദൃശ്യങ്ങളും വലിയ പ്രേക്ഷക ശ്രദ്ധ നേടുകയാണ്.
https://twitter.com/i/status/1579627189116731392
തങ്ങളുടെ പക്കലുള്ള വയലിനും ഗിറ്റാറുമെല്ലാം ഉപയോഗപ്പെടുത്തി പാശ്ചാത്യസംഗീത രീതിയിൽ വിദേശികൾ ഹനുമാൻ ചാലിസ വായിക്കുന്നത് ദൃശ്യങ്ങളിൽ കാണാം. വാരാണസിയിലെ സാങ്കേത് മോചൻ ഹനുമാൻ ക്ഷേത്രത്തിലാണ് ഇത് നടന്നതെന്നാണ് കരുതുന്നത്.
ഭക്തിയോടെ ഈ ചാലിസ ആരു ഭജിക്കുന്നുവോ അവർക്ക് ഭഗവാൻ ഹനുമാന്റെ അനുഗ്രഹമുണ്ടാകുമെന്നാണ് ചാലിസ ആലപിക്കുന്നവരുടെ വിശ്വാസം. പണ്ട് കാലത്ത് ഗോസായി തുളസീദാണ് ഈ ചാലിസ എഴുതിയതെന്ന് പറയപ്പെടുന്നു. കൂടുതലായും ഉത്തരേന്ത്യയിലാണ് ഹനുമാൻ ചാലിസ പാരായണങ്ങൾ കണ്ടുവരുന്നത്. ഏറെ പ്രസിദ്ധമായ ചാലിസയിലെ ശ്ലോകങ്ങൾ വിദേശികൾ വായിക്കുന്നത് സോഷ്യൽമീഡിയ ഏറ്റെടുക്കുകയായിരുന്നു.
