തിരുവനന്തപുരം: കേരള ഗവർണർ ആരിഫ് മുഹമ്മദ് ഖാന്റെ ഫേസ്ബുക്ക് അക്കൗണ്ട് ഹാക്ക് ചെയ്തു. ആരിഫ് മുഹമ്മദ് ഖാന്റെ ഔദ്യോഗിക ഫേസ്ബുക്ക് അക്കൗണ്ടാണ് ഹാക്ക് ചെയ്തത്. ഫേസ്ബുക്ക് പേജ് വീണ്ടെടുക്കാനുള്ള ശ്രമങ്ങൾ പുരോഗമിക്കുകയാണ്.
ശനിയാഴ്ച രാവിലെയാണ് സംഭവം അറിഞ്ഞത്. ഫേസ്ബുക്ക് പേജിൽ അസ്വാഭാവികമായി ചില വീഡിയോകൾ പ്രത്യക്ഷപ്പെടുകയായിരുന്നു. മൂന്ന് വീഡിയോകൾ ഹാക്കർ പേജിൽ പോസ്റ്റ് ചെയ്തിട്ടുണ്ട്. ഏഴ് മണിക്കൂർ മുൻപാണ് അദ്ദേഹത്തിന്റെ അക്കൗണ്ടിൽ ആദ്യ വീഡിയോ പ്രത്യക്ഷപ്പെട്ടത്. ഇതിന്റെ താഴെ നിരവധി പേർ പരിഹസിച്ച് കമന്റിടാൻ ആരംഭിച്ചു. ഇതോടെയാണ് ഇക്കാര്യം രാജ്ഭവന്റെ ശ്രദ്ധയിൽപ്പെട്ടത്.
ഔദ്യോഗിക ട്വിറ്റർ അക്കൗണ്ടിലൂടെയാണ് ഫേസ്ബുക്ക് പേജ് ഹാക്ക് ചെയ്യപ്പെട്ടുവെന്ന വിവരം രാജ്ഭവൻ അറിയിച്ചത്. ഗവർണർ ആരിഫ് മുഹമ്മദ് ഖാന്റെ ഔദ്യോഗിക ഫേസ്ബുക്ക് പേജ് ഹാക്ക് ചെയ്യപ്പെട്ടു. സംഭവം ഫേസ്ബുക്കിന്റെ ശ്രദ്ധയിൽപ്പെട്ടിട്ടുണ്ട്. പേജ് വീണ്ടെടുക്കാനുള്ള ശ്രമങ്ങൾ തുടരുകയാണെന്നും രാജ്ഭവൻ വ്യക്തമാക്കി.
Comments