ആഞ്ഞടിച്ച് ഫ്രൈലിങ്ക്; കത്തിക്കയറി സ്മിത്ത്; ശ്രീലങ്കയ്‌ക്കെതിരെ നമീബിയക്ക് ഭേദപ്പെട്ട സ്കോർ- Namibia Vs Sri Lanka

ഗീലോംഗ്: ട്വന്റി 20 ലോകകപ്പ് ഗ്രൂപ്പ് ഘട്ടത്തിലെ ആദ്യ മത്സരത്തിൽ ശ്രീലങ്കയ്‌ക്കെതിരെ നമീബിയക്ക് ഭേദപ്പെട്ട സ്കോർ. ടോസ് നഷ്ടമായി ബാറ്റിംഗിനിറങ്ങിയ നമീബിയ, 20 ഓവറിൽ 7 വിക്കറ്റ് നഷ്ടത്തിൽ 163 റൺസ് നേടി. 28 പന്തിൽ 44 റൺസ് നേടിയ ജാൻ ഫ്രൈലിങ്കും 16 പന്തിൽ 31 റൺസ് നേടിയ ജെ ജെ സ്മിത്തുമാണ് നമീബിയക്ക് വേണ്ടി തിളങ്ങിയത്.

ശ്രീലങ്കയ്‌ക്ക് വേണ്ടി പ്രമോദ് മദുശൻ 2 വിക്കറ്റ് വീഴ്‌ത്തി. മഹീഷ് തീക്ഷണ, ദുശ്മന്ത ചമീര, ചാമിക കരുണരത്നെ, വാനിന്ദു ഹസരാംഗ എന്നിവർക്ക് ഓരോ വിക്കറ്റ് ലഭിച്ചു.