കോഴിക്കോട്: താമരശേരിയിൽ കാറിലെത്തിയ സംഘം സ്‌കൂട്ടർ യാത്രക്കാരനെ തട്ടിക്കൊണ്ട് പോയി. താമരശ്ശേരി അവേലം സ്വദേശി അഷറഫിനെയാണ് തട്ടിക്കൊണ്ട് പോയത്. പിന്നിൽ കൊടിയത്തൂർ കേന്ദ്രീകരിച്ചുള്ള സംഘമാണെന്നാണ് നിഗമനം.
താമരശ്ശേരി -മുക്കം റോഡിൽ വെഴുപ്പൂർ സ്‌കൂളിന് സമീപം വച്ചായിരുന്നു യുവാവിനെ കടത്തിക്കൊണ്ട് പോയത്.
ടാറ്റാ സുമോയിലും, മറ്റൊരു കാറിലുമായാണ് സംഘം എത്തിയത്. സ്‌കൂട്ടറിൽ പോകുകയായിരുന്ന അഷറഫിനെ ഇവർ സ്‌കൂട്ടർ തടഞ്ഞ് നിർത്തി കാറിലേക്ക് പിടിച്ച് കയറ്റുകയായിരുന്നു. റോഡിൽ ഉപേക്ഷിച്ച സ്‌കൂട്ടർ പിന്നീട് പോലീസ് കസ്റ്റഡിയിലെടുത്തു.
ഗൾഫിൽ വെച്ചുള്ള സാമ്പത്തിക ഇടപാടുകളുടെ പേരിലാണ് അഷറഫിനെ തട്ടിക്കൊണ്ട് പോയത് എന്നാണ് സൂചന. സംഭവത്തിൽ പോലീസ് വിശദമായ അന്വേഷണം ആരംഭിച്ചു.
Comments