ന്യൂഡൽഹി: സൈനികർക്കൊപ്പം വന്ദേ മാതരം ആലപിച്ച് പ്രധാനമന്ത്രി നരേന്ദ്ര മോദി. ദീപാവലി ആഘോഷങ്ങളിൽ പങ്കെടുക്കുന്നതിന്റെ വീഡിയോ ദൃശ്യങ്ങളിലാണ് മോദി കൈയടിച്ച് ഗാനം ആലപിക്കുന്നത്. ഗിത്താറുകളുടെയും മറ്റ് ഉപകരണങ്ങളുടെയും അകമ്പടിയോടെയാണ് ജവാൻമാർ വന്ദേ മാതരം ആലപിച്ചത്.
ഇന്ന് രാവിലെയാണ് സൈനികർക്കൊപ്പം ദീപാവലി ആഘോഷിക്കാൻ പ്രധാനമന്ത്രി കാർഗിലിൽ എത്തിയത്. മധുര പലഹാരങ്ങളുമായാണ് മോദി സൈനികരെ സന്ദർശിക്കാനെത്തിയത്. സൈനികരുടെ ശ്രമഫലമായാണ് ഓരോ ഇന്ത്യൻ പൗരനും സുരക്ഷിതമായി ഉറങ്ങുന്നതെന്നും അദ്ദേഹം ഓർമ്മിപ്പിച്ചു.
PM Modi joins sing-along with soldiers in Kargil on Diwali
Read @ANI Story | https://t.co/gHRPjivTPQ
#PMModi #Kargil #Diwali2022 pic.twitter.com/yNf3HlQzlJ— ANI Digital (@ani_digital) October 24, 2022
ഭീകരത പൂർണമായും അവസാനിച്ചതിന്റെ ആഘോഷമാണ് ദീപാവലിയെന്ന് കാർഗിലിന്റെ വിജയഭൂമിയിൽ നിന്ന മോദി പറഞ്ഞു. ധീര ജവനാന്മാരോടൊപ്പം ദീപാവലി ആഘോഷിക്കാൻ കഴിഞ്ഞത് ഭാഗ്യമാണെന്നും അദ്ദേഹം കൂട്ടിച്ചേർത്തു. ദീപാവലിയുടെ അർത്ഥം തന്നെ ഭീകരതയുടെ അന്ത്യമെന്നാണെന്നും അത് സാധ്യമാക്കിയ ഇടമാണ് കാർഗിലെന്നും അദ്ദേഹം വ്യക്തമാക്കി.
കഴിഞ്ഞ കുറേ വർഷങ്ങളായി സൈനികർക്കൊപ്പമാണ് പ്രധാനമന്ത്രി ദീപാവലി ആഘോഷിക്കുന്നത്. കഴിഞ്ഞ വർഷം ജമ്മു കശ്മീരിലെ നൗഷേരയിലെ സൈനികർക്കൊപ്പമാണ് ദീപാവലി ആഘോഷിച്ചത്. സൈനികർക്കൊപ്പം ദീപം തെളി്ക്കുകയും മധുരം വിതരണം ചെയ്തുമാണ്് പ്രധാനമന്ത്രി മടങ്ങിയത്.
Comments