ചാൾസ് രാജാവിന്റെ മുഖത്തേക്ക് കേക്ക് എറിഞ്ഞ് പ്രതിഷേധം; വാക്‌സ് മ്യൂസിയത്തിലെ പ്രതിമകൾ നശിപ്പിച്ചു

ലണ്ടൻ: ലണ്ടനിലെ മാഡം ടുസാഡ്‌സ് മ്യൂസിയത്തിലെ ചാൾസ് മൂന്നാമൻ രാജാവിന്റെ പ്രതിമ നശിപ്പിച്ച് കാലാവസ്ഥാ പ്രവർത്തകർ. ജസ്റ്റ് സ്റ്റോപ്പ് ഓയിൽ എന്നെഴുതിയ ടീ ഷർട്ടുകൾ ധരിച്ചെത്തിയ സ്ത്രീയും പുരുഷനും ചാൾസ് രാജാവിന്റെ പ്രതിമയിലേക്ക് കേക്ക് തേക്കുന്ന ദൃശ്യങ്ങൾ വ്യാപകമായി പ്രചരിക്കുന്നുണ്ട്. ജസ്റ്റ് സ്റ്റോപ്പ് ഓയിലിന്റെ ഫേസ്ബക്ക് പേജിലാണ് ആദ്യം ഈ ദൃശ്യങ്ങൾ പോസ്റ്റ് ചെയ്തത്.

സാധാരണ വസ്ത്രങ്ങൾ ധരിച്ചെത്തിയ രണ്ട് പേർ ആദ്യം ചാൾസിന്റെയും കാമിലയുടേയും പ്രതിമകൾക്ക് അടുത്ത് വന്ന് നിൽക്കുന്നതാണ് ആദ്യം ദൃശ്യങ്ങളിൽ കാണാനാവുന്നത്. വില്യം, കേറ്റ് മിഡിൽടൺ എന്നിവരുടെ പ്രതിമകളും ഇവിടെ തന്നെ കാണാനാകും. ചാൾസിന്റെ പ്രതിമയ്‌ക്ക് അടുത്ത് വന്ന് നിന്ന ഉടനെ തന്നെ ഇവർ മേൽവസ്ത്രങ്ങൾ ഊരി മാറ്റുന്നു, ജസ്റ്റ് സ്റ്റോപ്പ് ഒായിൽ ടീ ഷർട്ടാണ് ഇവർ ധരിച്ചിരുന്നത്. ഇതിന് പിന്നാലെയാണ് ഇവർ കൈവശമുള്ള കേക്കുകൾ എടുത്ത് ചാൾസിന്റെ പ്രതിമയ്‌ക്ക് മുഖത്തേക്ക് തേക്കുന്നത്. രണ്ട് പേരും കേക്കുകൾ എറിയുന്നതായി കാണാൻ സാധിക്കും.

🎂 BREAKING: JUST STOP OIL CAKES THE KING 🎂

👑 Two supporters of Just Stop Oil have covered a Madame Tussauds waxwork model of King Charles III with chocolate cake, demanding that the Government halts all new oil and gas licences and consents.#FreeLouis #FreeJosh #A22Network pic.twitter.com/p0DJ8v3XVB

— Just Stop Oil ⚖️💀🛢 (@JustStop_Oil) October 24, 2022

ഇനി പ്രവർത്തിക്കാനുള്ള സമയമാണെന്ന് ഇരുവരും പറയുന്നതും കേൾക്കാം. പുതിയ ഗ്യാസ്, ഓയിൽ ലൈസൻസുകൾ സർക്കാര് നിർത്തി വയ്‌ക്കണമെന്ന് ആവശ്യപ്പെട്ടാണ് ജസ്റ്റ് സ്റ്റോപ്പ് ഓയിൽ പ്രതിഷേധം നടക്കുന്നത്. തങ്ങളുടെ ആവശ്യങ്ങൾ ന്യായമാണെന്നും, ജസ്റ്റ് സ്റ്റോപ്പ് ഓയിൽ ഒരു കേക്ക് ചാൾസിന് നൽകിയതാണെന്നും ഇവർ പറയുന്നു. സംഭവവുമായി ബന്ധപ്പെട്ട് നാല് പേരെ അറസ്റ്റ് ചെയ്തതായി പോലീസ് വ്യക്തമാക്കി.