ലോകമതമഹാസമ്മേളനത്തിന് ആതിഥ്യമരുളി ഇന്തോനേഷ്യ ; പ്രശംസിക്കപ്പെടേണ്ട ചുവടുവെയ്‌പ്പെന്ന് രാംമാധവ്

ബാലി: ആഗോളതലത്തിലെ എല്ലാ മതാചാര്യന്മാരേയും പണ്ഡിതന്മാരേയും ഒരു വേദിയിലെ ത്തിക്കാൻ ഇന്തോനേഷ്യ നടത്തുന്ന ആർ20 മതസമ്മേളനത്തെ അഭിനന്ദിച്ച് ആർഎസ്എസ് നേതാവും മുൻ ബിജെപി ദേശീയ ജനറൽ സെക്രട്ടറിയുമായ രാംമാധവ്. ആഗോളതലത്തിൽ നിലവിലെ സാഹചര്യത്തിൽ ഏറെ പ്രാധാന്യവും പ്രത്യേകതയും നിറഞ്ഞ തീരുമാനമാണിത്. ഇന്തോനേഷ്യൻ ഭരണകൂടം എടുത്ത മതസൗഹാർദ്ദ നയം അനുകരണീയമെന്നും രാംമാധവ് പറഞ്ഞു.

ജി20 ഉച്ചകോടിയുടെ മുന്നോടിയായിട്ടാണ് ആർ20 മതമഹാസമ്മേളനം ഇന്ന് ഉദ്ഘാടനം ചെയ്യപ്പെട്ടത്. ആഗോള തലത്തിൽ ഏറെ സ്വാധീനമുള്ള ഇന്തോനേഷ്യയിലേയും സൗദി അറേബ്യയിലേയും മുസ്ലീം മതസംഘടനകളുടെ നേതൃത്വത്തിൽ തീരുമാനിച്ച പരിപാടി കാലഘട്ടത്തിന്റെ അനിവാര്യതയാണെന്നും രാംമാധവ് പറഞ്ഞു.

ആഗോള മതമഹാസമ്മേളനത്തിന്റെ ഭാഗമായി ബാലിയിലെത്തുന്ന എല്ലാ മതനേതാ ക്കൾക്കും ആത്മീയ ആചാര്യന്മാർക്കും അവരുടെ ആദ്ധ്യാത്മിക ആശയം പങ്കുവെയ്‌ക്കാ നാകും. ഒപ്പം  വ്യത്യസ്ത മേഖലകളിലെ വെല്ലുവിളികളും പരിഹാരങ്ങളും അവതരിപ്പി ക്കാനാകുമെന്നും രാംമാധവ് ചൂണ്ടിക്കാട്ടി.

ജി20യുടെ ഭാഗമായി മതമഹാസമ്മേളനം എന്നത് അതീവ പ്രാധാന്യം അർഹിക്കുന്ന ഒന്നാണ്. മതമഹാസമ്മേളനത്തിൽ ആഗോളതലത്തിലെ ആത്മീയ ആദ്ധ്യാത്മിക സാദ്ധ്യതകളും വെല്ലുവിളികളും തിരിച്ചറിയാൻ ജി20 രാജ്യങ്ങളുടെ ഭരണകർത്താക്കൾക്കും സാധിക്കും. ഇത് ഈ കാലഘട്ടത്തിന്റെ ആവശ്യമാണ്. കാരണം പലരാജ്യങ്ങളിലും അവിടത്തെ ഭരണ കൂടത്തെ നിയന്ത്രിക്കുന്നത് കടുത്ത മതചിന്തകളാണ്. അവ മറ്റ് രാജ്യങ്ങൾക്കും ആഗോള സമാധാനത്തിനും മാനവരാശിക്കും സൃഷ്ടിക്കുന്ന വെല്ലുവിളി നിസ്സാരമല്ലെന്നും രാംമാധവ് കൂട്ടിച്ചേർത്തു.