മലപ്പുറം: കമ്യൂണിസ്റ്റ് ഭീകര അനുകൂല വീഡിയോ പോസ്റ്റ് ചെയ്ത സംഭവത്തിൽ യുവാവ് അറസ്റ്റിൽ. അജു കോലോത്ത് എന്ന അജ്മലാണ് അറസ്റ്റിലായത്. വനവാസി മേഖലയെ മറയാക്കി നിലമ്പൂരിൽ മിത്ര ജ്യോതി എന്ന സംഘടന നടത്തുകയായിരുന്നു ഇയാൾ.
നിലമ്പൂരിൽ വനവാസി കുട്ടിയെ കൊണ്ട് കമ്യൂണിസ്റ്റ് ഭീകര അനുകൂല വീഡിയോ ചിത്രീകരിച്ച് സമൂഹമാദ്ധ്യമങ്ങൾ വഴി പ്രചരിപ്പിച്ച സംഭവത്തിലാണ് അജ്മലിനെ അറസ്റ്റ് ചെയ്തത്. നിലമ്പൂർ മേഖലയിലെ ആദിവാസി കോളനികൾ കേന്ദ്രീകരിച്ച് പ്രവർത്തിക്കുന്ന മിത്ര ജ്യോതി ട്രൈബൽ ഡെവലപ്മെന്റ് ഫൗണ്ടേഷൻ എന്ന എൻ ജി ഒ സംഘടന ചെയർമാനാണ് മഞ്ചേരി മേലാക്കം കോലോത്ത് തൊടിക അജ്മൽ.
സംഘടനയുടെ പേരിലുള്ള ഓമ്നി വാനും പോലീസ് പിടിച്ചെടുത്തു.
യൂട്യൂബിൽ അപ്ലോഡ് ചെയ്ത ‘ നാട് അറിയാത്ത കാട് അറിയുന്ന ജീവിതങ്ങൾ ‘ എന്ന ഡോക്യുമെന്ററിയിലാണ് അജ്മൽ ബാലനെ കൊണ്ട് കമ്യൂണിസ്റ്റ് ഭീകര അനുകൂല വാചകങ്ങൾ പറയിപ്പിച്ചത്. ‘തനിക്ക് ഒന്നുകിൽ പോലീസ് ആവണം, അല്ലെങ്കിൽ കമ്യൂണിസ്റ്റ് ഭീകരൻ ആവണം’എന്നായിരുന്നു ഇയാൾ കുട്ടിയെ കൊണ്ട് മനപ്പൂർവ്വം പറയിച്ചത്. ഇതിനു മുൻപും പല തരത്തിലുള്ള ആരോപണങ്ങൾക്ക് വിധേയനായ വ്യക്തിയാണ് അജ്മൽ.
Comments