ഉപതിരഞ്ഞെടുപ്പ്; ഉത്തർപ്രദേശിലും ഹരിയാനയിലും ബിഹാറിലും ബിജെപിക്ക് ഉജ്ജ്വല വിജയം; വ്യക്തമായ ഭൂരിപക്ഷത്തോടെ ജനസമ്മതി ഉയർത്തി സ്ഥാനാർത്ഥികൾ

ന്യൂഡൽഹി: രാജ്യത്ത് 6 സംസ്ഥാനങ്ങളിലെ 7 നിയമസഭാ മണ്ഡലങ്ങളിലേക്ക് നടന്ന ഉപതിരഞ്ഞെടുപ്പുകളുടെ ഫലം വന്നു തുടങ്ങി. ഹരിയാനയിലെ ആദംപൂർ, ഉത്തർപ്രദേശിലെ ഗോല ഗോകർണ്ണനാഥ്,  ഒഡിഷയിലെ ദാംനഗര്‍ബിഹാറിലെ ഗോപാൽഗഞ്ച് എന്നീ മണ്ഡലങ്ങളിൽ വ്യക്തമായ ഭൂരിപക്ഷത്തോടെ ബിജെപി സ്ഥാനാർത്ഥികൾ വിജയിച്ചു.ഇവയില്‍ രണ്ട് മണ്ഡലങ്ങള്‍ നേരത്തെ ബിജെപി സിറ്റിങ് സീറ്റുകളായിരുന്നു.  ആദംപൂര്‍  ബിജെപി പിടിച്ചെടുക്കുകയായിരുന്നു.

ഹരിയാനയിലെ ആദംപൂരിൽ 16,000 ത്തിലധികം വോട്ടിന്റെ ഭൂരിപക്ഷത്തിലാണ് ബിജെപിയുടെ ഭവ്യ ബിഷ്‌ണോയി വിജയിച്ചത്. ഉത്തർപ്രദേശിലെ ബിജെപി സ്ഥാനാർത്ഥിയായിരുന്ന അമൻഗിരി 1,24810 വോട്ടുകൾ നേടിയാണ് വിജയിച്ചത്. ബിഹാറിലെ ഗോപാൽഗഞ്ചിൽ ബിജെപി സ്ഥാനാർത്ഥിയായ കുസും ദേവി 41 ശതമാനം വോട്ട് നേടിയാണ് വിജയിച്ചത്.ബിഹാറിലെ മൊകാമ ആർജെഡിയും മഹാരാഷ്‌ട്രയിലെ അന്ധേരി ഈസ്റ്റിൽ ഉദ്ധവ് താക്കറെയുടെ നേതൃത്വത്തിലുള്ള ശിവസേനാ വിഭാഗത്തിന്റെ സ്ഥാനാർത്ഥി റുതുജ ലട്കെ വിജയിച്ചു.മറ്റ് മണ്ഡലങ്ങളിൽ വോട്ടെണ്ണൽ പുരോഗമിക്കുകയാണ്.

ഉത്തർപ്രദേശിലെ ഗോല ഗോകർനാഥ്, ബിഹാറിലെ മൊകാമ,ഗോപാൽഗഞ്ച്,മഹാരാഷ്‌ട്രയിലെ അന്ധേരി ഈസ്റ്റ്,തെലങ്കാനയിലെ മുനുഗോഡ്,ഒഡീഷയിലെ ധാംനഗർ,ഹരിയാനയിലെ ആംപൂർ എന്നീ നിയമസഭാ മണ്ഡലങ്ങളിലേക്കാണ് ഉപതിരഞ്ഞെടുപ്പ് നടന്നത്.