മദ്യക്കുപ്പിയിൽ പേസ്റ്റ് രൂപത്തിലാക്കി സ്വർണ്ണം തേച്ച് പിടിപ്പിച്ച് കടത്ത്; 23 ലക്ഷത്തിന്റെ സ്വർണവുമായി ഒരാൾ പിടിയിൽ

കൊച്ചി: മദ്യക്കുപ്പിയോട് ചേർത്ത് ഒളിപ്പിച്ച് കടത്തിയ സ്വർണം പിടികൂടി. 23 ലക്ഷം രൂപ വിലമതിക്കുന്ന 591 ഗ്രാം സ്വർണമാണ് കൊച്ചി അന്താരാഷ്‌ട്ര വിമാനത്താവളത്തിൽ കസ്റ്റംസ് പിടികൂടിയത്.

ദുബായിൽ നിന്നെത്തിയ യാത്രക്കാരനാണ് മദ്യത്തിന്റെ കപ്പിയോട് ചേർത്ത് സ്വർണം പേസ്റ്റ് രൂപത്തിലാക്കി വളരെ വിദഗ്ധമായി ഒളിപ്പിച്ച് കടത്തിയത്. ഒറ്റ നോട്ടത്തിൽ മദ്യക്കുപ്പി മാത്രമാണെന്ന് തോന്നും വിധം ഗ്രേ കളർ ടേപ്പ് ഉപയോഗിച്ച് പൊതിയുകയും ചെയ്തിരുന്നു. സ്വർണം കടത്താൻ പലവിധ വഴികൾ സ്വീകരിക്കുന്നതിനാൽ നിരീക്ഷണം ശക്തമാക്കിയിരിക്കുകയാണ് കസ്റ്റംസ്.