മുംബൈ: ആഴ്ചാവസാനം ഓഹരി വിപണിയിൽ കണ്ടത് വൻ മുന്നേറ്റം. നിഫ്റ്റി 52 ആഴ്ച്ചയ്ക്കിടയിലെ ഏറ്റവും വലിയ ഉയർച്ചയാണ് രേഖപ്പെുത്തിയത്. വെളളിയാഴിച്ച വ്യാപാരം അവസാനിക്കുമ്പോൾ സെൻസെക്സ് 1,181.34 ഉയർന്ന് 61,795ൽ അവസാനിച്ചു. 1.95 ശതമാനം മുന്നേറ്റമാണ് ദൃശ്യമായത്.
ദേശീയ ഓഹരി വിപണിയായ നിഫ്റ്റി 321.50 പോയിന്റ് മുന്നേറി 18,349.70ൽ വ്യാപാരം അവസാനിപ്പിച്ചു. 1.78 ശതമാനം ഉയർച്ചയാണ് നിഫ്റ്റിയിൽ കണ്ടത്. അതിനിടെ രൂപ ഡോളറുമായുളള വിനിമയത്തിൽ 100 പൈസയുടെ ശക്തമായ മുന്നേറ്റം നടത്തി. വെളളിയാഴ്ച്ച ഡോളറിനെതിരെ 80.81 ആണ് രൂപയുടെ വിനിമയ നിരക്ക്. വ്യാഴാഴ്ച്ച അത് 81.81ൽ ആണ് ക്ലോസ് ചെയ്തത്.
എച്ച്ഡിഎഫ്സി, എച്ച്സിഎൽ ടെക്നോളജീസ്, ടെക് മഹീന്ദ്ര എന്നിവയാണ് നിഫ്റ്റിയിൽ നേട്ടമുണ്ടാക്കിയ പ്രമുഖ ഓഹരികൾ. ഐസർ മോട്ടോഴ്സ്,ഹീറോ മോട്ടോ കോർപ്പ്, ബ്രിട്ടാനിയ ഇൻഡസ്ട്രീസ്, എസ്ബിഐ, മഹീന്ദ്ര ആന്റ് മഹീന്ദ്ര എന്നിവരും കുറഞ്ഞ അളവിൽ നേട്ടമുണ്ടാക്കി.
Comments