‘ഗീതു മോഹൻദാസ് വേട്ടയാടുന്നു, ലിജു കൃഷ്ണയ്‌ക്കെതിരായ നിലപാട് ഏകപക്ഷീയം‘: ഡബ്ലിയു സി സിയുടെ ഇരട്ടത്താപ്പ് തുറന്നു കാട്ടി ‘പടവെട്ട്‘ സിനിമയുടെ അണിയറ പ്രവർത്തകർ- ‘Padavettu’ Team against Geethu Mohandas and WCC

കൊച്ചി: ‘പടവെട്ട്‘ സംവിധായകൻ ലിജു കൃഷ്ണയെ സംവിധായികയും നടിയുമായ ഗീതു മോഹൻദാസ് വേട്ടയാടുന്നുവെന്ന് ചിത്രത്തിന്റെ അണിയറ പ്രവർത്തകർ. വിഷയത്തിൽ സിനിമാ ലോകത്തെ വനിതാ കൂട്ടായ്മയായ ഡബ്ലിയു സി സിയുടെ നിലപാട് ഏകപക്ഷീയമാണെന്നും അണിയറ പ്രവർത്തകർ ആരോപിക്കുന്നു. ഗീതു മോഹൻദാസിനെതിരെ സംവിധായകൻ ലിജു കൃഷ്ണ വെളിപ്പെടുത്തിയ സത്യങ്ങൾ കള്ളമാണെന്ന് പറയുന്നതിന്റെ ഔചിത്യം ഡബ്ലിയു സി സി വ്യക്തമാക്കണമെന്നും അണിയറ പ്രവർത്തകർ ആവശ്യപ്പെടുന്നു.

ഒരു ആരോപണം ഉണ്ടാകുമ്പോൾ ആരോപണ വിധേയരെയും അത് ഉന്നയിക്കുന്നവരെയും ഒരുപോലെ കേൾക്കുക എന്ന മര്യാദ പാലിക്കപ്പെടേണ്ടതാണ്. എന്നാൽ ഇതേവരെ പടവെട്ട്‌ സിനിമയുടെ അണിയറ പ്രവർത്തകരെ ഡബ്ലിയു സി സി എന്ന സംഘടനയുടെ ഭാഗത്തു നിന്നും ആരും വിളിക്കുകയോ ബന്ധപ്പെടുകയോ ചെയ്തിട്ടില്ല. തികച്ചും ഏകപഷീയമായ നിലപാടും വിചാരണയും ഒരു പൊതു സംഘടനയുടെ മര്യാദകളിൽ പെടുന്നതല്ലെന്ന് ‘പടവെട്ട് സിനിമയുടെ അണിയറ പ്രവർത്തകർ ചൂണ്ടിക്കാട്ടുന്നു.