പൊതുവെ കറികൾ പാകം ചെയ്യുമ്പോഴാണ് കടുക് നാം ഉപയോഗിക്കുക. എന്നാൽ ഈ കുഞ്ഞൻ ഐറ്റം കൊണ്ട് മറ്റൊരു ഉപയോഗം കൂടിയുണ്ട്. കൊതുകിനെ തുരത്താനും കടുക് ഉപയോഗിക്കാം. സന്ധ്യാനേരത്തും മറ്റും കൊതുകു പാറിപറന്ന് ശല്യമുണ്ടാക്കുമ്പോൾ കടുകുകൊണ്ടൊരു പ്രയോഗം നടത്തിയാൽ കൊതുകുകൾ പമ്പകടക്കും.
ഇതിനായി ചെയ്യേണ്ടത് ഇത്രമാത്രമാണ്. ഒരു വലിയ സ്പൂൺ നിറയെ കടുക് എടുക്കുക. അത് നല്ലപോലെ ചതച്ചെടുക്കുക. പൊടിച്ച് ഭസ്മമാക്കിയെടുക്കേണ്ട ആവശ്യമില്ല. അൽപം ഒന്ന് ചതഞ്ഞ് കിട്ടിയാൽ മതിയാകും. ശേഷം ഒരു പാത്രത്തിലേക്ക് കനൽ എടുക്കുക. ഈ കനലിലേക്ക് അൽപം കുന്തിരിക്കം ഇട്ടുകൊടുക്കുക. നല്ലപോലെ പുക വരുന്ന സമയത്ത് ചതച്ച് വെച്ച കടുക് കൂടി അതിന് മുകളിലേക്ക് ഇട്ടുകൊടുക്കുക. ഈ സമയത്ത് വേണമെങ്കിൽ അൽപം കർപൂരവും ഇട്ടുകൊടുക്കാം.
ശേഷം കൊതുക് അധികമുള്ള സ്ഥലത്ത് (മുറി, വരാന്ത, ഹാൾ) ഈ കനൽ പാത്രം വെക്കുക. അവിടെ പാറിപറക്കുന്ന എല്ലാ കൊതുകും ഇതോടെ പമ്പകടക്കും. ഇത്തരത്തിൽ ചെയ്യുന്നതിനായി കടുക് അധികമെടുത്ത് നേരത്തെ ചതച്ച് വെക്കാവുന്നതാണ്. ആവശ്യാനുസരണം എടുത്ത് ഉപയോഗിച്ചാൽ മതിയാകും. അധികം കടുക് എടുക്കുന്നുണ്ടെങ്കിൽ മിക്സിയുടെ സഹായത്തോടെ പൊടിച്ചെടുക്കാവുന്നതാണ്.
Comments