ഈ മൂക്ക് ഒറിജിനലോ ഡ്യൂപ്ലിക്കേറ്റോ; വൈറലായ ‘മൂക്കിന്’ പിന്നിലെ യാഥാർത്ഥ്യമിതാണ്..

സൂര്യനു കീഴെയുള്ള എന്തിനെയും സോഷ്യൽ മീഡിയ വഴി കണ്ടെത്താമെന്ന് ചിലർ തമാശരൂപേണ പറയാറുണ്ട്. ഇപ്പോഴിതാ ഒരു മൂക്കാണ് സോഷ്യൽ മീഡിയയിൽ ചർച്ചയാകുന്നത്. തോമസ് വാഡ്ഹൗസ് എന്നയാളുടെ ചിത്രമാണ് മൂക്കിന്റെ വലിപ്പം കാരണം ഇപ്പോൾ വൈറലായിരിക്കുന്നത്. ലോകത്തിലെ ഏറ്റവും നീളം കൂടിയ മൂക്ക് തോമസിനായിരുന്നു എന്നാണ് പറയപ്പെടുന്നത്.

എന്നാൽ ചിത്രം ആദ്യം വൈറലായപ്പോൾ ഈ മൂക്ക് വ്യാജമാണെന്നാണ് പലരും തെറ്റിദ്ധരിച്ചത്. മോർഫ് ചെയ്ത ചിത്രമാണെന്നും മുഖത്ത് വെച്ചുകെട്ടിയ മൂക്കാണെന്നും പലരും കരുതി. ഹിസ്റ്റോറിക് വിഡ്സ് എന്ന ട്വിറ്റർ പേജിലാണ് ചിത്രം പോസ്റ്റ് ചെയ്യപ്പെട്ടത്. എന്നാൽ ഈ മൂക്ക് യാഥാർത്ഥ്യമാണെന്ന് ഗിന്നസ് അധികൃതർ സ്ഥിരീകരിച്ചു. ലോകത്തിലെ ഏറ്റവും നീളം കൂടിയ മൂക്ക് രേഖപ്പെടുത്തിയത് തോമസ് വാഡ്ഹൗസിനാണ്.

Thomas Wadhouse was an English circus performer who lived in the 18th century. He is most famously known for having the world's longest nose, which measured 7.5 inches (19 cm) long. pic.twitter.com/Gx3cRsGXxd

— Historic Vids (@historyinmemes) November 12, 2022

പതിനെട്ടാം നൂറ്റാണ്ടിൽ ജീവിച്ചിരുന്ന ഇംഗ്ലീഷുകാരനായ ഒരു സർക്കസ് കലാകാരനായിരുന്നു തോമസ് വാഡ്ഹൗസ്. ഇംഗ്ലണ്ടിലായിരുന്നു അദ്ദേഹം ജീവിച്ചിരുന്നത്. അദ്ദേഹത്തിന്റെ മൂക്കിന് 7.5 ഇഞ്ച് (19 സെന്റീമീറ്റർ) നീളമുണ്ടായിരുന്നു. എന്നാൽ ഇപ്പോൾ ജീവിച്ചിരിക്കുന്നവരിൽ നീളമേറിയ മൂക്കുള്ളത് മെഹ്മെത് ഒസിയുറെക് എന്ന തുർക്കിക്കാരനാണ്. കഴിഞ്ഞ വർഷം നവംബറിലാണ് റെക്കോർഡ് സ്ഥിരീകരിച്ചത്. അദ്ദേഹത്തിന്റെ മൂക്കിന്റെ നീളം 8.8 സെന്റീമീറ്ററാണ്.