ന്യൂഡൽഹി: ബംഗ്ലാദേശിനെതിരായ ഇന്ത്യ എ ടീമിൽ ഇടം നേടി കേരള താരം രോഹൻ കുന്നുമ്മൽ. വിജയ് ഹസാരെ ട്രോഫിയിലെ തകർപ്പൻ പ്രകടനമാണ് രോഹന് ഇന്ത്യ എ ടീമിലേക്കുള്ള വഴി തുറന്നത്. ബംഗ്ലാദേശിനെതിരായ ചതുർദിന മത്സരത്തിനുള്ള ടീമിലാണ് രോഹൻ ഇടം നേടിയത്.
ഇന്ത്യ എ ടീം: അഭിമന്യു ഈശ്വരൻ (ക്യാപ്ടൻ), യശസ്വി ജയ്സ്വാൾ, യാഷ് ധൂൾ, സർഫറാസ് ഖാൻ, തിലക് വർമ, രോഹൻ കുന്നുമ്മൽ, ഉപേന്ദ്ര യാദവ് (വിക്കറ്റ് കീപ്പർ), സൗരഭ് കുമാർ, രാഹുൽ ചഹാർ, ജയന്ത് യാദവ്, മുകേഷ് കുമാർ, നവദീപ് സെയ്നി, അതീത് സേഥ്, ചേതേശ്വർ പുജാര, ഉമേഷ് യാദവ്, കെ എസ് ഭരത്
ബംഗ്ലാദേശിനെതിരായ രണ്ട് ചതുർദിന മത്സരങ്ങൾക്കുള്ള ടീമിനെയാണ് പ്രഖ്യാപിച്ചിരിക്കുന്നത്.
അതേസമയം വിജയ് ഹസാരെ ട്രോഫിയിൽ കേരളം നോക്കൗട്ട് റൗണ്ടിൽ കടന്നു. തമിഴ്നാടിനെതിരായ ഗ്രൂപ്പ് മത്സരം മഴ മൂലം ഉപേക്ഷിച്ചതോടെ 20 പോയിന്റുമായി കേരളം നോക്കൗട്ടിലേക്ക് മുന്നേറുകയായിരുന്നു.
