ന്യൂഡൽഹി : ഇന്ത്യയിലെ ഓട്ടോമോട്ടീവ് വ്യവസായ പ്രമുഖനും ടൊയോട്ട കിർലോസ്‌കർ മോട്ടോർ വൈസ് ചെയർപേഴ്‌സനുമായ വിക്രം എസ് കിർലോസ്‌കർ അന്തരിച്ചു. 64 വയസ്സായിരുന്നു. ഹൃദയാഘാതത്തെ തുടർന്ന് ഇന്നലെ രാത്രിയോടെയായിരുന്നു അന്ത്യം.
‘ ടൊയോട്ട കിർലോസ്‌കർ മോട്ടറിന്റെ വൈസ് ചെയർമാൻ വിക്രം എസ് കിർലോസ്‌കറിന്റെ അകാല വിയോഗത്തിന്റെ ദുഃഖത്തിലാണ് ഞങ്ങൾ. ഈ വിഷമകരമായ ഘട്ടത്തിൽ എല്ലാവരോടും അദ്ദേഹത്തിന്റെ ആത്മാവിന് ശാന്തി ലഭിക്കാൻ പ്രാർത്ഥിക്കണമെന്ന് അപേക്ഷിക്കുന്നു’- ടൊയോട്ട ട്വീറ്റ് ചെയ്തു.
കിർലോസ്‌കറിന്റെ മരണത്തിൽ കോൺഗ്രസ് എംപി കാർത്തി ചിദംബരം അനുശോചനം രേഖപ്പെടുത്തി.സംസ്‌കാരം ഇന്ന് ഉച്ചയ്‌ക്ക് 1 മണിക്ക് ഹെബ്ബൽ ശ്മശാനത്തിൽ നടക്കും.ഭാര്യ : ഗീതാഞ്ജലി കിർലോസ്‌കർ മകൾ : മാനസി കിർലോസ്‌കർ
Comments