ന്യൂഡൽഹി : ഡൽഹി എക്‌സൈസ് അഴിമതിക്കേസുമായി ബന്ധപ്പെട്ട് പ്രമുഖ വ്യവസായി അമിത് അറോറയെ എൻഫോഴ്‌സ്‌മെന്റ് ഡയറക്ടറേറ്റ് അറസ്റ്റ് ചെയ്തു. ബഡ്ഡി റിട്ടെയിൽ പ്രൈവറ്റ് ലിമിറ്റഡ് ഡയറക്ടറായ അമിത് അറോറഡൽഹി ഉപമുഖ്യമന്ത്രി മനീഷ് സിസോദിയയുടെ അടുത്ത അനുയായികൂടിയാണ്. കേസുമായി ബന്ധപ്പെട്ട് ആറാമത്തെ അറസ്റ്റാണ് അന്വേഷണ ഏജൻസി രേഖപ്പെടുത്തുന്നത്.
കള്ളപ്പണം വെളുപ്പിക്കൽ തടയൽ നിയമത്തിന്റെ (പിഎംഎൽഎ) ക്രിമിനൽ വകുപ്പുകൾ പ്രകാരം ഇന്നലെ രാത്രിയാണ് അറോറയെ അറസ്റ്റ് ചെയ്തത്. ഇയാളെ കോടതിയിൽ ഹാജരാക്കി കസ്റ്റഡിയിൽ ആവശ്യപ്പെടുമെന്ന് വൃത്തങ്ങൾ അറിയിച്ചു.
അമിത് അറോറയും മറ്റ് രണ്ട് പ്രതികളായ ദിനേശ് അറോറയും അർജുൻ പാണ്ഡെയും ഡൽഹി ഉപമുഖ്യമന്ത്രി മനീഷ് സിസോദിയയുടെ അടുത്ത കൂട്ടാളികളാണ്. മദ്യ ലൈസൻസുകളിൽ നിന്ന് അനധികൃതമായി പിരിച്ചെടുക്കുന്ന ലാഭം കൈകാര്യം ചെയ്യുന്നതിൽ ഇവർ സജീവമായി ഏർപ്പെട്ടിരുന്നു എന്ന് അന്വേഷണ ഏജൻസി ആരോപിച്ചു. മദ്യവ്യവസായി സമീർ മഹന്ദ്രുവിനെ ചോദ്യം ചെയ്യലിന് ശേഷം സെപ്റ്റംബർ 27 ന് ഇഡി അറസ്റ്റ് രേഖപ്പെടുത്തിയിരുന്നു.
Comments