തിരുവനന്തപുരം : സംസ്ഥാനത്ത് മിൽമ പാൽ വിലവർദ്ധന ഇന്ന് മുതൽ പ്രാബല്യത്തിൽ. മൂന്ന് വർഷത്തിന് ശേഷമാണ് പാൽ വിലയിൽ വർദ്ധനവ് വരുന്നത്. ഈ സാഹചര്യത്തിൽ കൂടുതൽ ആവശ്യക്കാരുള്ള നീല കവർ പാൽ ലിറ്ററിന് 52 രൂപയാകും.
പാലിനൊപ്പം പാലുൽപ്പന്നങ്ങൾക്കും വില വർദ്ധിക്കും. അഞ്ചുരൂപ മൂന്നു പൈസയാണ് വില വർദ്ധനയിലൂടെ കർഷകന് അധികമായി ലഭിക്കുക. 3 ശതമാനം കൊഴുപ്പും 8.5 ശതമാനം കൊഴുപ്പിതരഘടകങ്ങളും ഉള്ള പാലിന് 5.25 രൂപ ക്ഷീരകർഷകന് അധികമായി ലഭിക്കും. ഗുണനിലവാരമനുസരിച്ച് 38.40 രൂപമുതൽ 43.50 രൂപ വരെയാണ് ലിറ്ററിന് ലഭിക്കുക.
ഇളം നീല പായ്ക്കറ്റിലുള്ള 500 മില്ലി ലിറ്ററിന്റെ ടോൺഡ് പാലിന് 25രൂപയും കടുംനീല പായ്ക്കറ്റിലുള്ള ഹോമോജിനൈസ്ഡ് ടോൺഡിന് 26രൂപയുമാണ് പുതുക്കിയ നിരക്ക്.
ഗുണഫലം ഇങ്ങനെ
ക്ഷീരകർഷകൻ – 5.025 രൂപ ( 3 ശതമാനം കൊഴുപ്പും 8.5 ശതമാനം കൊഴുപ്പിതരഘടകങ്ങളും ഉള്ള പാലിന്)
ക്ഷീരസംഘം-0.345
ഏജന്റുമാർ -0.345
ക്ഷേമനിധി-0.045
മിൽമ-0.210
പ്ലാസ്റ്റിക് നിർമാർജനപ്രക്രിയ-0.030
Comments