ചെന്നൈ: തിരുപ്പതി ക്ഷേത്രത്തിൽ ദർശനം നടത്തി സൂപ്പർ സ്റ്റാർ രജനികാന്ത്. മകൾ ഐശ്വര്യയ്‌ക്കൊപ്പാണ് താരം ക്ഷേത്രത്തിൽ എത്തിയത്. ഇതിന്റെ ചിത്രങ്ങളും വീഡിയോകളും സമൂഹമാദ്ധ്യമങ്ങളിൽ വ്യാപകമായി പ്രചരിക്കുന്നുണ്ട്.
ഇന്ന് രാവിലെയോടെയായിരുന്നു താരം മകൾക്കൊപ്പം ക്ഷേത്രത്തിൽ എത്തിയത്. വഴിപാടുകൾ നേർന്ന അദ്ദേഹം വിവിധ പൂജകളിലും പങ്കെടുത്ത ശേഷമാണ് മടങ്ങിയത്. ക്ഷേത്രത്തിൽ എത്തിയ താരത്തെ ദേവസ്ഥാനം അധികൃതർ സ്വീകരിച്ചു. ക്ഷേത്ര ദർശനത്തിന്റെ ചിത്രങ്ങൾ രജനികാന്തിന്റെ പേരിലുള്ള ഫാൻ പേജുകളിലാണ് ആദ്യം പ്രത്യക്ഷപ്പെട്ടത്.
ബുധനാഴ്ചയാണ് ക്ഷേത്ര ദർശനത്തിനായി രജനീകാന്ത് തമിഴ്‌നാട്ടിൽ എത്തിയത്.
അതേസമയം വൈകീട്ട് അദ്ദേഹം അമീൻ ബിർ ദർഗയിലും സന്ദർശനം നടത്തും. സംഗീത സംവിധായകൻ എആർ റഹ്മാനൊപ്പമാകും അദ്ദേഹം ദർഗയിൽ എത്തുക.
കഴിഞ്ഞ ആഴ്ചയായിരുന്നു രജനീകാന്തിന്റെ 73ാം ജന്മദിനം.
ജയിലറാണ് ചിത്രീകരണം പുരോഗമിക്കുന്ന രജനീകാന്തിന്റെ പുതിയ ചിത്രം. സെൽസണിന്റെ സംവിധാന മികവിൽ ഒരുങ്ങുന്ന ചിത്രത്തിന്റെ ഷൂട്ടിംഗ് ഹൈദരാബാദിലാണ്.
Comments