ബംഗലൂരു: എൻഡിടിവിയുടെ ഭൂരിഭാഗം ഓഹരികളും ഇനി ശതകോടീശ്വരൻ ഗൗതം അദാനിക്ക് സ്വന്തം. കമ്പനിയുടെ സിംഹഭാഗം ഓഹരികളും അദാനിക്ക് നൽകാൻ തയ്യാറാണെന്ന് എൻഡിടിവി സ്ഥാപകരായ പ്രണോയ് റോയും ഭാര്യ രാധിക പ്രണോയും അറിയിച്ചു. എൻഡിടിവിയുടെ 65 ശതമാനം ഓഹരികളാണ് അദാനിക്ക് നൽകാൻ തീരുമാനിച്ചിരിക്കുന്നത്.
അദാനിയുടെ ഉടമസ്ഥതയിലുള്ള കമ്പനിക്ക് 27.26 ശതമാനം ഓഹരികൾ കൂടി നൽകാൻ തയ്യാറാണെന്നാണ് പ്രണോയും രാധികയും അറിയിച്ചിരിക്കുന്നത്. കമ്പനിയുടെ 37 ശതമാനം ഓഹരികൾ അദാനി നേരത്തേ തന്നെ സ്വന്തമാക്കിയിരുന്നു.
നിലവിൽ അദാനിയുടെ ഉടമസ്ഥതയിലുള്ള എ എം ജി മീഡിയ നെറ്റ്‌വർക്കാണ് എൻഡിടിവിയിലെ ഏറ്റവും വലിയ ഓഹരി ഉടമകൾ എന്ന് കമ്പനി സ്ഥാപകരായ പ്രണോയ് റോയും രാധികയും പ്രസ്താവനയിലൂടെ വ്യക്തമാക്കി. ഉഭയകക്ഷി ഉടമ്പടി പ്രകാരമാണ് ഓഹരികൾ കൈമാറാൻ തീരുമാനിച്ചിരിക്കുന്നതെന്നും അവർ അറിയിച്ചു.
അഞ്ച് ശതമാനം ഓഹരികൾ മാത്രമായിരിക്കും ഇനി രാധികയ്‌ക്കും പ്രണോയ്‌ക്കും എൻഡിടിവിയിൽ ഉണ്ടായിരിക്കുക.
Comments