ന്യൂഡൽഹി; ഉത്തരേന്ത്യയിൽ ശൈത്യതരംഗത്തിൽ വലഞ്ഞ് ആളുകൾ. 5 ദിവസം കൂടി അതിതീവ്ര സാഹചര്യം തുടർന്നേക്കാമെന്ന് മുന്നറിയിപ്പ്. മൂടൽ മഞ്ഞും ശക്തമാകും. ജമ്മുകശ്മീരിൽ താപനില മൈനസ് 7 ലെത്തി. ചണ്ഡീഗഡിൽ 2.8 ഡിഗ്രി സെൽഷ്യസാണ് താപനില രേഖപ്പെടുത്തിയത്. പലയിടത്തും കാഴ്ച മറയ്‌ക്കുന്ന തരത്തിൽ മൂടൽമഞ്ഞ് തുടരുകയാണ്.
കാഴ്ച മങ്ങിയത് റോഡ്, റെയിൽ ഗതാഗതത്തെ സാരമായി ബാധിച്ചിട്ടുണ്ട്. പതുക്കയാണ് ആളുകൾ വാഹനങ്ങൾ ഓടിക്കുന്നത്. ഇത് ഗതാഗത കുരുക്കിനും അപകടങ്ങൾക്കും കാരണമാകുന്നുണ്ട്. കനത്ത മഞ്ഞുവീഴ്ചയും ശക്തമായ കാറ്റും വരും ദിവസങ്ങളിലും ഉണ്ടാവുമെന്നാണ് കാലാവസ്ഥാ വകുപ്പ് നൽകിയിരിക്കുന്ന മുന്നറിയിപ്പ്. കാലാവസ്ഥ മോശമായതിനാൽ അപകടങ്ങൾക്ക് സാധ്യതയുണ്ടെന്നും ജനങ്ങൾ ജാഗ്രത പാലിക്കണമെന്നും അറിയിച്ചിട്ടുണ്ട്.
അതേസമയം അമേരിക്കയിൽ തുടരുന്ന ശീതക്കാറ്റിൽ മരിച്ചവരുടെ എണ്ണം 34 ആയി. അതിശൈത്യം തുടരുന്ന കാനഡയിൽ നാല് മരണമാണ് റിപ്പോർട്ട് ചെയ്തത്. കനത്ത മഞ്ഞുവീഴ്ചയെ തുടർന്ന് അമേരിക്കയിൽ രണ്ട് ലക്ഷത്തിലധികം വീടുകളിൽ വൈദ്യുതി ബന്ധം നിലച്ചു. സ്ഥിതിഗതികൾ ഗുരുതരമായതോടെ ഇന്നലെ മാത്രം 1707 വിമാന സർവ്വീസുകളാണ് റദ്ദാക്കിയത്.
Comments