മലയാളിക്ക് ഏറെ പ്രിയമുള്ള ഒന്നാണ് കപ്പ. അഥവാ മരച്ചീനി.വടക്കൻ കേരളത്തിൽ ‘പൂള’ എന്നും മദ്ധ്യ കേരളത്തിൽ കൊള്ളി എന്നും അറിയപ്പെടുന്ന കപ്പ 59 ശതമാനവും ജലാംശം ഉള്ള ഭക്ഷണ വിഭവമാണ്. അന്നജത്തിന്റെയും കലോറിയുടെയും കാത്സ്യത്തിന്റെയും എല്ലാം അളവ് കൂടുതലായ കപ്പ ഇടയ്ക്കൊക്കെ നമ്മുടെ ശരീരത്തിന് പണി തരും. അതായത് നമ്മുടെ മനസും ശരീരവും അറിഞ്ഞ് കഴിച്ചാൽ കപ്പ സൂപ്പറാണെന്ന് സാരം. കാർബോ ഹൈഡ്രേറ്റ് അഥവാ അന്നജം ധാരാളമടങ്ങിയ കപ്പ, ശരീരഭാരം കൂട്ടാൻ ആഗ്രഹിക്കുന്നവർക്ക് ഒന്നൊന്നര ഭക്ഷണമാണ്. ദഹിക്കാൻ വളരെ എളുപ്പമുള്ള കപ്പയിൽ കലോറിയും കാർബ്സും ഉണ്ട്. പാർശ്വഫലങ്ങളൊന്നുമില്ലാതെ തന്നെ ഭാരം കൂട്ടാൻ സഹായിക്കും.
കപ്പയിൽ കൊളസ്ട്രോൾ ഒട്ടുമില്ല. ഹൃദയത്തിന് ആരോഗ്യം നൽകുന്നതോടൊപ്പം ഹൃദയാഘാതം, പക്ഷാഘാതം ഇവയ്ക്കുള്ള സാധ്യതയും കുറയ്ക്കുന്നു. കപ്പയിൽ ധാരാളമുള്ള അന്നജം സൂക്രോസിന്റെ രൂപത്തിലാണുള്ളത്. ഇത് ഊർജ്ജമായി മാറുന്നു.
ബി കോംപ്ലക്സ് വൈറ്റമിനുകളും ഫോളിക് ആസിഡും അടങ്ങിയ കപ്പ, നവജാത ശിശുക്കളിൽ ന്യൂറൽ ട്യൂബ് വൈകല്യങ്ങൾ വരാനുള്ള സാധ്യത തടയും. നാഡികൾക്കുണ്ടാകുന്ന വൈകല്യങ്ങളെ തടയാൻ സഹായിക്കുന്നതിൽ ഫോളിക് ആസിഡും ഒരു പ്രധാന ഘടകമാണ്. കപ്പയിൽ കപ്പയിൽ വൈറ്റമിൻ കെ ഉണ്ട്. ഇത് അൽസ്ഹൈമേഴ്സ് വരാനുള്ള സാധ്യത കുറയ്ക്കുന്നു. കപ്പയിലടങ്ങിയ പൊട്ടാസ്യം, രക്തസമ്മർദ്ദം നിയന്ത്രിച്ചു നിർത്താൻ സഹായിക്കുന്ന ഒരു ധാതുവാണ്. സോഡിയത്തിന്റെ അളവ് വളരെ കുറവാണ് കപ്പയിൽ.
ദോഷങ്ങൾ
കപ്പ ചോറിനൊപ്പം കഴിച്ചാൽ തടി കൂടുമെന്ന് മാത്രമല്ല ഷുഗറും കൂടും. ചോറിനൊപ്പം കപ്പ കഴിച്ചാൽ ഇത് രക്തത്തിലെ ഗ്ലൂക്കോസ് തോതു പെട്ടെന്നുയർത്താൻ കാരണമാകും . അതു കൊണ്ടു ചോറിനൊപ്പം, കഞ്ഞിയ്ക്കൊപ്പം കൊള്ളിയുപ്പേരി വേണ്ട.
രാവിലെയോ ഉച്ചയ്ക്കോ ആണ് കപ്പ കഴിയ്ക്കാൻ പറ്റിയ സമയം. രാത്രിയിൽ കഴിക്കുന്നത് തടി വർദ്ധിക്കാൻ കാരണമാകും. ഉച്ചയ്ക്കു ശേഷം കപ്പ കഴിയ്ക്കരുത്. മരച്ചീനി അഥവാ കപ്പ പാകം ചെയ്യുന്ന രീതി പ്രധാനമാണ്. ഇത് തിളപ്പിച്ച് രണ്ടോ മൂന്നോ വട്ടം വെള്ളമൂറ്റിക്കളഞ്ഞാണ് പാകം ചെയ്യേണ്ടത.
കപ്പയിൽ, പ്രധാനമായും ഹൈഡ്രജൻ സയനൈഡ് എന്നൊരു വിഷാംശം ഉണ്ട്. ഇത് കൂടുതൽ കപ്പയിലയിലാണുള്ളത്. ഇതാണ് കന്നുകാലികൾക്കു പോലും കപ്പയില നൽകരുതെന്നു പഴമക്കാർ പറയുന്നതിന് കാരണം.
Comments