പത്തനംതിട്ട: ശബരിമലയിൽ നിന്നും ലഭിക്കുന്ന അരവണയിൽ ഉപയോഗിക്കുന്നത് ഗുണനിലവാരമില്ലാത്ത ഏലയ്ക്കയാണെന്ന് റിപ്പോർട്ട്. ഭക്ഷ്യസുരക്ഷാ കമ്മീഷണറാണ് റിപ്പോർട്ട് തയ്യാറാക്കിയത്. ഹൈക്കോടതി നൽകിയ നിർദേശപ്രകാരം അരവണയിൽ പരിശോധന നടത്തിയിരുന്നു. തുടർന്നാണ് ഏലയ്ക്കയുടെ ഗുണനിലവാരം സംബന്ധിച്ച കണ്ടെത്തലുണ്ടായത്.
ഇക്കാര്യം വിശദമാക്കുന്ന റിപ്പോർട്ട് വ്യാഴാഴ്ച ഹൈക്കോടതി പരിഗണിക്കും. നേരത്തെ സ്വകാര്യ വ്യക്തി സമർപ്പിച്ച പരാതിയുടെ അടിസ്ഥാനത്തിലായിരുന്നു അന്വേഷണം നടത്തിയത്. തുടർന്നാണ് പരിശോധനാ റിപ്പോർട്ട് ഹൈക്കോടതിയിലെത്തിയത്.
നിലവിൽ പമ്പയിൽ സ്ഥിതി ചെയ്യുന്ന ഭക്ഷ്യ സുരക്ഷാ ലബോറട്ടറിയിൽ ഏലയ്ക്ക പരിശോധിക്കുന്നുണ്ട്. ഇതിന്റെ അടിസ്ഥാനത്തിൽ ഗുണനിലവാരമുള്ളതായി തിരഞ്ഞെടുക്കുന്നവ മാത്രമാണ് അരവണ തയ്യാറാക്കാൻ സിന്നിധാനത്തേക്ക് അയയ്ക്കുന്നത്.
Comments