പൊന്നിന് പൊന്നും വില! സ്വർണവില സർവകാല റെക്കോർഡിൽ; അറിയാം ഇന്നത്തെ വില

തിരുവനന്തപുരം: കുതിപ്പ് തുടർന്ന് സ്വർണവില. പവന് 480 രൂപയാണ് ഇന്ന് വർദ്ധിച്ചത്. ഇതോടെ റെക്കോർഡ് നിരക്കിലാണ് സംസ്ഥാനത്തെ സ്വർണവില. 42,880 രൂപയാണ് ഒരു പവന്റെ ഇന്നത്തെ വില. ഇന്നലെ രണ്ട് തവണയായി 400 രൂപ ഉയർന്നിരുന്നു. ഇതിന് പിന്നാലെയാണ് ഇന്ന് വീണ്ടും വില വർദ്ധിച്ചത്.

ഒരു ഗ്രാം 22 കാരറ്റ് സ്വർണത്തിന്റെ വിലയും ഉയർന്നു. 60 രൂപയാണ് ഇന്ന് വർദ്ധിച്ചത്. ഇന്നത്തെ വില 5,360 രൂപയാണ്. ഒരു ഗ്രാം 18 കാരറ്റ് സ്വർണത്തിന്റെ വിലയും ഉയർന്നു. 50 രൂപയാണ് ഇന്ന് ഉയർന്നത്. ഒരു ഗ്രാം 18 കാരറ്റ് സ്വർണത്തിന്റെ വിപണി വില 4,430 രൂപയാണ്.

വെള്ളിയുട വിലയിലും വർദ്ധനവുണ്ടായിട്ടുണ്ട്. ഒരു ഗ്രാം വെള്ളിയുടെ വിപണി വില 77 രൂപയാണ്. രണ്ട് രൂപയാണ് ഇന്ന് ഉയർന്നത്. ഹോൾമാർക്ക് വെള്ളിയുടെ വിലയിൽ മാറ്റമില്ല. ഒരു ഗ്രാം ഹോൾമാർക്ക് വെള്ളിയുടെ വില 90 രൂപയാണ്.