വീൽ ചെയറിനായി കാത്തുനിന്ന സംഭവം; നടി ഖുശ്ബുവിനോട് ക്ഷമ ചോദിച്ച് എയർഇന്ത്യ

നടി ഖുശ്ബുവിനോട് ക്ഷമ ചോദിച്ച് എയർ ഇന്ത്യ. കഴിഞ്ഞ ദിവസം മോശം സേവനം നൽകിയതിനെ തുടർന്ന് എയർഇന്ത്യയെ രൂക്ഷമായി താരം വിമർശിച്ചിരുന്നു. ഇതിന് പിന്നാലെയാണ് ക്ഷമ പറഞ്ഞത്. ട്വിറ്ററിലൂടെയായിരുന്നു ഖുശ്ബു വിമർശിച്ചത്. സമൂഹമാദ്ധ്യമങ്ങളിൽ ട്വീറ്റ് വൈറലായിരുന്നു.

Dear @airindiain you do not have basic wheelchair to take a passenger with a knee injury. I had to wait for 30mnts at chennai airport with braces for my ligament tear before they could get a wheelchair borrowed from another airline to take me in. I am sure you can do better.

— KhushbuSundar (@khushsundar) January 31, 2023

ജനുവരി 31-നാണ് ചെന്നൈ വിമാനത്താവളത്തിൽ കാലിന് പരിക്കേറ്റ് ഖുശ്ബു വീൽചെയറിനായി അര മണിക്കൂർ കാത്തിരുന്നത്. മറ്റൊരു എയർലൈനിൽ നിന്നും വീൽ ചെയർ വാങ്ങിയാണ് തനിക്ക് നൽകിയതെന്നുമാണ് ഖുശ്ബു ട്വറ്ററിൽ കുറിച്ചത്. ‘ നിങ്ങൾക്ക് ഇതിലും നന്നായി ജനങ്ങളെ സേവിക്കാൻ കഴിയും’ എന്നും അവർ എയർഇന്ത്യയെ ഓർമ്മിപ്പിച്ചു.

Dear Ma'am, we're extremely sorry to know about your experience with us. We're taking this up immediately with our Chennai airport team.

— Air India (@airindiain) January 31, 2023

ഖുശ്ബു ട്വീറ്റ് ചെയ്തതിന് പിന്നാലെ സമൂഹമാദ്ധ്യമങ്ങൾ സംഭവം ഏറ്റെടുക്കുകയായിരുന്നു. വ്യാപകമായി വിമർശനം ഉയർന്നതോടെയാണ് ക്ഷമാപണവുമായി എയർഇന്ത്യ എത്തിയത്. ട്വീറ്റിന് മറുപടി ആയാണ് എയർഇന്ത്യ മാപ്പ് ചോദിച്ചത്. ഈ അടുത്താണ് ഒരു അപകടത്തിൽ ഖുശ്ബുവിന്റെ കാലിന് പരിക്കേറ്റത്. ഇതിന്റെ ചിത്രങ്ങൾ ഖുശ്ബു സമൂഹമാദ്ധ്യമങ്ങളിൽ പങ്കുവച്ചിരുന്നു.