ഷില: ഹിമാചൽപ്രദേശിൽ ചോളി പാലം തകർന്ന് വാഹനങ്ങൾ അപകടത്തിൽപ്പെട്ടു. വെള്ളിയാഴ്ച രാത്രി 7.30-ഓടെയാണ് അപകമുണ്ടായത്. സംഭവത്തിൽ ഇതുവരെ ആളപായം റിപ്പോർട്ട് ചെയ്തിട്ടില്ല.
പാലത്തിന് മുകളിൽ അമിത ഭാരം വന്നതാണ് അപകട കാരണമെന്നാണ് പ്രാഥമിക നിഗമനം. പാലത്തിന്റെ ഇരുവശങ്ങളിൽ നിന്നുമായി ലോറിയും കാറും ഒരുമിച്ച് കയറിയിരുന്നു. തൊട്ടുപിന്നാലെ പാലം പൂർണ്ണമായും തകർന്നുവീണു.
പ്രദേശവാസികൾ വിവരം അറിയിച്ചതിനെ തുടർന്ന് പോലീസും ജില്ലാ ഭരണകൂടവും റവന്യൂ വകുപ്പ് ഉദ്യോഗസ്ഥരും സ്ഥലത്തെത്തി. സംഭവത്തിൽ അന്വേഷണം ആരംഭിച്ചിട്ടുണ്ടെന്ന് അധികൃതർ വ്യക്തമാക്കി.
