ന്യൂഡൽഹി: ഡൽഹിയിൽ സിആർപിഎഫ് ജവാൻ ആത്മഹത്യ ചെയ്തു. സിആർപിഎഫ് അസിസ്റ്റന്റ് സബ് ഇൻസ്പെക്ടർ രാജ്ബീർ കുമാർ (53)ആണ് ഇന്നലെ വൈകുന്നേരം 4.15ന് ഡൽഹി തുഗ്ലക്ക് റോഡിലെ ഇന്റലിജൻസ് ബ്യൂറോ ഡയറക്ടറുടെ വസതിയിൽ സ്വയം വെടിവച്ച് മരിച്ചത്.
രാജ്ബീർ തന്റെ സർവീസ് റൈഫിൾ എകെ 47 ഉപയോഗിച്ച് രണ്ട് റൗണ്ട് വെടിയുതിർക്കുകയായിരുന്നു. ഐബി ഡയറക്ടറുടെ വസതിയിലായിരുന്നു അദ്ദേഹത്തിന്റെ പോസ്റ്റിങ്. കഴിഞ്ഞ ദിവസങ്ങളിൽ അവധിയിലായിരുന്ന കുമാർ ഇന്നലെയാണ് ഡ്യൂട്ടിയിൽ തിരികെ പ്രവേശിച്ചത്.
സംഭവസ്ഥലത്ത് നിന്ന് ആത്മഹത്യാ കുറിപ്പൊന്നും കണ്ടെടുത്തിട്ടില്ല. രാജ്ബീറിന്റെ കുടുംബത്തെ വിവരമറിയിക്കുകയും സിആർപിസി സെക്ഷൻ 174 പ്രകാരം ഇൻക്വസ്റ്റ് നടപടികൾ ആരംഭിക്കുകയും ചെയ്തു.
