കുടുംബാഗങ്ങളുടെ അഭിവൃദ്ധി ആഗ്രഹിക്കുന്നുണ്ടോ? ദേവീ ക്ഷേത്രത്തിൽ ഈ വഴിപാട് നടത്തൂ..

മനസിൽ ആഗ്രഹിച്ച കാര്യം നടക്കാനായി നിത്യവും പ്രാർത്ഥിക്കുന്നവരാണ് എല്ലാവരും. എന്നാൽ പലപ്പോാഴും കാര്യസാധ്യത്തിനായി അഹോരാത്രം പ്രയത്‌നിച്ചിട്ടും ഫലം മെല്ലെയാണ് പലർക്കും ലഭിക്കുക. എന്നാൽ ദേവീ ക്ഷേത്രത്തിൽ ദർശനം നടത്തി നാല് പ്രാവശ്യം തുടർച്ചയായി ഈ പുഷ്പാഞ്ജലി നടത്തിയാൽ ഫലം ഉറപ്പെന്നാണ് അനുഭവസ്ഥർ പറയുന്നത്.

സന്ധ്യാസമയത്ത് കുളിച്ച് ശുദ്ധിയായി അടുത്തുള്ള ദേവി ക്ഷേത്രത്തിൽ ദർശനം നടത്തണം. ഒപ്പം ചുവന്ന മാല ഭഗവതിയെ അണിയിച്ച് ആരതി ഉഴിഞ്ഞ് വേണം ദർശനം നടത്താൻ. അരളി മാലയോ മറ്റേതെങ്കിലും പൂവോ ആകാവുന്നതാണ്. ഭാര്യയുടെ അഭിവൃദ്ധിയ്‌ക്കായി ഭർത്താവിനും മറ്റ് കുടുംബാംഗങ്ങളുടെ അഭിവൃദ്ധിയ്‌ക്കായി വീട്ടിലെ മുതിർന്ന ആൾക്കും ഈ രീതിയിൽ ദേവിയെ ദർശിക്കാവുന്നതാണ്. അതുപോലെ എല്ലാ വെള്ളിയാഴ്ചകളിലും ദേവി ക്ഷേത്രം ദർശിച്ച് പ്രാർത്ഥന നടത്തുന്നതും നല്ല കാര്യമാണ്. അമ്പലത്തിൽ പോകുമ്പോൾ ആഗ്രഹിച്ച കാര്യം നടക്കാനായി ആ വ്യക്തിയുടെ പേരിൽ ഭാഗ്യസൂക്ത പുഷ്പാഞ്ജലി നടത്താവുന്നതാണ്.

തുടർച്ചയായി നാല് ആഴ്ചകളിൽ ഈ പുഷ്പാഞ്ജലി നടത്തുമ്പോൾ തന്നെ ഫലം കാണാനായി സാധിക്കും. ആഗ്രഹം സാധിച്ചാലും ഈയൊരു പുഷ്പാഞ്ജലി തുടർന്ന് പോകുന്നതിൽ തെറ്റില്ല. ഇത്തരത്തിൽ മനസ്സുരുകി ദേവിയെ പ്രാർത്ഥിച്ച് മുകളിൽ നൽകിയിരിക്കുന്ന വഴിപാടുകൾ നടത്തുകയാണെങ്കിൽ ആഗ്രഹിച്ച കാര്യങ്ങളെല്ലാം ഉദ്ദേശിച്ച രീതിയിൽ തന്നെ നടക്കുന്നതാണ്. ദേവി ക്ഷേത്രം ദർശനം നടത്തുന്നത് എപ്പോഴും ജീവിതത്തിൽ സന്തോഷവും,സമാധാനവും, സാമ്പത്തിക അഭിവൃദ്ധിയും നൽകുന്നതിന് സഹായിക്കുന്നതാണ്.