ലക്നൗ: 12-അടി ഉയരമുള്ള ലക്ഷ്മണന്റെ പ്രതിമ ലക്നൗ വിമാനത്താവളത്തിന് സമീപം അനച്ഛാദനം ചെയ്തു. ഉത്തർപ്രദേശ് മുഖ്യമന്ത്രി യോഗി ആദിത്യനാഥും കേന്ദ്ര പ്രതിരോധമന്ത്രി രാജ്നാഥ് സിംഗും ചേർന്നാണ് പ്രതിമയുടെ അനച്ഛാദന കർമ്മം നിർവഹിച്ചത്.
ഷഹീദ് പാതയിൽ നിന്ന് വിമാനത്താവളത്തിലേക്കുള്ള എലിവേറ്റഡ് ഫ്ളൈ ഓവർ, ജി-20, ആഗോള നിക്ഷേപക ഉച്ചകോടിയുമായി ബന്ധപ്പെട്ട വികസന പദ്ധതികൾ, കാർഗിൽ വിക്ടറി സ്മാരകം എന്നിവയും അനച്ഛാദനം ചെയ്തു.
ലക്നൗവിനെ പ്രതിനിധീകരിച്ചു കൊണ്ട് മുൻ പ്രധാനമന്ത്രി അടൽ ബിഹാരി വാജ്പേയിയുടെ ആഗ്രഹ സാഫല്യത്തിനായി പ്രവർത്തിക്കുന്നുണ്ടെന്ന് പ്രതിരോധമന്ത്രി ലോക്സഭയിൽ പറഞ്ഞിരുന്നു. ക്രമസമാധാനമാണ് ഉത്തർപ്രദേശ് വികസനത്തിന്റെ മുതൽക്കൂട്ടെന്നും അദ്ദേഹം കൂട്ടിച്ചേർത്തു.
ലക്നൗവിന്റെ പേര് ലഖൻപൂർ അല്ലെങ്കിൽ ലക്ഷ്മൺപൂർ എന്ന് പുനർനാമകരണം ചെയ്യണമെന്ന് മുമ്പ് ബിജെപി എംപി സംഗലാൽ ഗുപ്ത പ്രധാനമന്ത്രിക്ക് കത്തെഴുതിയിരുന്നു.
Comments