വാഷിംഗ്ടൺ: സൂര്യനിലെ അപ്രതീക്ഷിത പ്രതിഭാസത്തിൽ അമ്പരന്ന് ശാസ്ത്രലോകം. സൂര്യന്റെ ഉപരിതലത്തിൽ നിന്ന് ഒരു ഭാഗം അടർന്ന് പോയെന്നുള്ള ഞെട്ടിക്കുന്ന വിവരമാണ് പുറത്തുവന്നിരിക്കുന്നത്. അമേരിക്കൻ ബഹിരാകാശ ഗവേഷണ ഏജൻസിയായ നാസയുടെ ജയിംസ് വെബ് ടെലിസ്കോപ്പ് പകർത്തിയ ദൃശ്യങ്ങളിലാണ് ഇക്കാര്യം വ്യക്തമാക്കുന്നത്. ഇതിന്റെ ദൃശ്യങ്ങൾ ബഹിരാകാശ ഗവേഷകൻ ഡോ. തമിത സ്കോവ് ട്വിറ്ററിൽ പങ്കുവെച്ചതോടെയാണ് പുറലോകം സംഭവമറിഞ്ഞത്.
സൂര്യന്റെ വലിയൊരു ഭാഗം അതിന്റെ പ്രതലത്തിൽ നിന്ന് വേർപ്പെട്ടിരിക്കുകയാണ്. ഇത് വലിയൊരു ചുഴിയായി രൂപം പ്രാപിച്ചിരിക്കുകയാണ്. ഉത്തര ധ്രുവത്തിൽ നിന്ന് ഇത് മറ്റെവിടേക്കെങ്കിലും എത്തുമോ എന്ന് ഭയത്തിലാണ് ലോകം. പുതിയ പ്രതിഭാസം ഭൂമിയിലെ റേഡിയോ ഉപഗ്രഹ സിഗ്നലുകളെ തന്നെ ഇല്ലാതാക്കും. പോളാർ വോർടക്സ് എന്നാണ് ഇതിനെ വിളിക്കുന്നത്. സൂര്യനിലെ ഉത്തരധ്രുവത്തിലാണ് ഈ അമ്പരിപ്പിക്കുന്ന പ്രതിഭാസം ഉണ്ടായത്. പുതിയ പ്രതിഭാസത്തിന് പിന്നിലെ കാരണങ്ങൾ വിശകലനം ചെയ്ത് വരികയാണെന്ന് ശാസ്ത്രജ്ഞർ പറഞ്ഞു.
സൂര്യനിൽ നിന്ന് അടർന്നുപോയ വലിയ ഭഭാഗം വടക്കൻ ധ്രുവത്തെ പ്രദക്ഷിണം ചെയ്യാൻ ഏകദേശം എട്ട് മണിക്കൂറാണ് എടുക്കുക. ഇപ്പോൾ ചുഴലിക്കാറ്റിന്റെ വേഗത സെക്കൻഡിൽ 96 കിലോമീറ്ററാണെന്നാണ് ശാസ്ത്രജ്ഞരുടെ വിലയിരുത്തൽ. ഇത്തരത്തിലുള്ള അത്യുഗ്ര ശേഷിയുള്ള കാറ്റുകൾ ഭൂമിയിലെത്തിയാൽ അത് വലിയ തകർച്ച സൃഷ്ടിക്കും. സൂര്യൻ തുടർച്ചയായി സൗരജ്വാലകൾ പ്രത്യക്ഷമാക്കാറുണ്ട്. ഇത് കാരണം ചിലപ്പോഴെങ്കിലും ഭൂമിയിൽ വാർത്താവിതരണത്തെ ബാധിക്കാറുണ്ട്.
Talk about Polar Vortex! Material from a northern prominence just broke away from the main filament & is now circulating in a massive polar vortex around the north pole of our Star. Implications for understanding the Sun's atmospheric dynamics above 55° here cannot be overstated! pic.twitter.com/1SKhunaXvP
— Dr. Tamitha Skov (@TamithaSkov) February 2, 2023
താൻ ഇത്തരത്തിലുള്ള സൗര ജ്വാലകൾ കൊണ്ടുള്ള ചുഴി സൂര്യനിൽ ഇതുവരെ കണ്ടിട്ടില്ലെന്ന് സോളാർ ഫിസിസ്റ്റായ സ്കോട്ട് മക്കിന്റോഷ് പറയുന്നു. ദശാബ്ദങ്ങളായി സൂര്യനെ നിരീക്ഷിക്കുന്ന ആളാണ് അദ്ദേഹം. എന്നാൽ ഇത്തരത്തിലൊരു പ്രതിഭാസം സംഭവിക്കുന്നത് ഇത് ആദ്യമായാണെന്നാണ് അദ്ദേഹം പറയുന്നത്. സൂര്യന്റെ പ്രതലത്തിൽ നിന്നും ഒരു ഭാഗം വേർപ്പെടുന്നത് അത്യപൂർവ്വമാണെന്നും അത് സൂര്യന്റെ അന്തരീക്ഷത്തിലേക്ക് അലിഞ്ഞ് ചേരുന്നത് അത്ഭുത കാഴ്ചയാണെന്നും അദ്ദേഹം പറഞ്ഞു.
Comments