വിദൂര പ്രദേശങ്ങളിൽ പ്രവർത്തനങ്ങൾ കൂടുതൽ ശക്തിപ്പെടുത്താനൊരുങ്ങി ഇന്ത്യൻ വ്യോമസേന; ആറ് ‘ ഡോർണിയർ-228’ വിമാനങ്ങൾക്കായുള്ള കരാർ ഒപ്പുവെച്ചു

ന്യൂഡൽഹി : കരുതാർജ്ജിക്കാനൊരുങ്ങി ഇന്ത്യൻ വ്യോമസേന. ഹിന്ദുസ്ഥാൻ എയറോനോട്ടിക്‌സിൽ നിന്ന് ആറ് ‘ഡോർണിയർ-228’വിമാനങ്ങൾ വാങ്ങും. 667 കോടി രൂപ മുതൽ മുടക്കലാണ് ഐഎഎഫ് വിമാനങ്ങൾ വാങ്ങുന്നത്. വിമാനങ്ങൾ വാങ്ങുന്നതിനായി പ്രതിരോധ മന്ത്രാലയം കരാറിൽ ഒപ്പുവെച്ചതായി വൃത്തങ്ങൾ അറിയിച്ചു.

റൂട്ട് ട്രാൻസ്‌പോർട്ട് ജോലിയ്‌ക്കും ആശയവിനിമയത്തിനുമാകും വ്യോമസേന ഈ വിമാനങ്ങൾ ഉപയോഗിക്കുക. കൂടാതെ, ഐഎഎഫ് പെലറ്റുമാരുടെ പരിശീലനത്തിനും ‘ഡോർണിയർ-228’ വിമാനങ്ങൾ ഉപയോഗിക്കാൻ കഴിയുമെന്നാണ് വിവരം. നവീകരിച്ച എഞ്ചിനും അഞ്ച് ബ്ലേഡുകളുള്ള സംയുക്ത പ്രൊപ്പലറിനും ഇതിനുണ്ടാകും.

ഇന്ത്യയുടെ വടക്കു കിഴക്കൻ മേഖലയിലും ദ്വീപ് ശൃംഖലകളിലും അധിക ദൂര പ്രവർത്തനങ്ങൾക്ക് ഇത്തരം വിമാനങ്ങൾ അനുയോജ്യമാണെന്നാണ് ഐഎഎഫ് വ്യക്തമാക്കി. ആറ് പുതിയ വിമാനങ്ങൾ എത്തുന്നതോടുകൂടി വിദൂര പ്രദേശങ്ങളിൽ ഐഎഎഫിന്റെ പ്രവർത്തനങ്ങൾ കൂടുതൽ ശക്തിപ്പെടുത്താൻ കഴിയുമെന്ന്  ഇന്ത്യൻ വ്യോമസേന അറിയിച്ചു.