കൊച്ചി: ബ്രഹ്മപുരം മാലിന്യപ്ലാന്റ് തീപിടിത്തതിൽ പ്രതികരണവുമായി സംവിധായകൻ വിനയൻ. അധികാരികൾ ചെയ്ത തെറ്റുമൂലം ഒരു നാടിന് ദുരവ്യാപകമായ ദുരന്തവും ശുദ്ധവായു ലഭിക്കാത്ത അവസ്ഥയും ഉണ്ടായി. ഇത് മാപ്പർഹിക്കാത്ത കാര്യമാണെന്ന് വിനയൻ തുറന്നടിച്ചു. dതീപിടത്തതിന് കാരണമായ കുറ്റവാളികളെ കണ്ടെത്തി ശിക്ഷിക്കണം. പിശാചുക്കളുടെ നാടെന്ന് കേരളം വിളിക്കേണ്ടി വരുമെന്നും അദ്ദേഹം പറഞ്ഞു. ഫെയ്സ്ബുക്ക് കുറിപ്പിലൂടെയായിരുന്നു അദ്ദേഹം പ്രതികരിച്ചത്.
“ബ്രഹ്മപുരത്തെ എരിയുന്ന തീയ്ക്കും പുകയ്ക്കും നടുവിൽ നിന്നുകൊണ്ട് ജീവൻ പോലും അവഗണിച്ച് മഹാദുരന്തത്തിനെതിരെ യുദ്ധം ചെയ്യുന്ന ഈ മനുഷ്യർക്ക് ഐക്യദാർഢ്യം പ്രഖ്യാപിക്കാം.. ആരൊക്കെയോ അധികാരികൾ ചെയ്ത അക്ഷന്തവ്യമായ തെറ്റുമൂലം ഒരു നാടിന് ദുരവ്യാപകമായ ദുരന്തവും ശുദ്ധവായു ലഭിക്കാത്ത അവസ്ഥയും ഉണ്ടാകുന്നത് മാപ്പർഹിക്കാത്ത കാര്യമാണ്… ആ കുറ്റവാളികളെ കണ്ടെത്തി ശിക്ഷിച്ചില്ലങ്കിൽ ഈ നാടിനെ ദൈവത്തിൻെറ നാടെന്നല്ല.. പിശാചുക്കളുടെ നാടെന്നു വിളിക്കേണ്ടി വരും..”- വിനയൻ ഫേസ്ബുക്കിൽ കുറിച്ചു.
Comments