സിറിയ : ഇസ്ലാമിക് സ്റ്റേറ്റിനെ പ്രോത്സാഹിപ്പിക്കുന്ന വീഡിയോ പങ്ക് വച്ച സ്കൂൾ അസിസ്റ്റന്റിന് തടവ് ശിക്ഷ . ഓസ്ട്രിയയിലെ ലിൻസിലാണ് സംഭവം . 19 കാരിയായ സ്കൂൾ അസിസ്റ്റന്റ് പാവകളുടെ തലയറുത്ത് , ഇസ്ലാമിക് സ്റ്റേറ്റിന്റെ മുദ്രാവാക്യം വിളിച്ച് , ആയുധങ്ങളുമായി നിൽക്കുന്ന കുഞ്ഞുങ്ങളുടെ വീഡിയോകളാണ് പങ്ക് വച്ചത് . അഞ്ച് മാസത്തെ തടവ് ശിക്ഷയാണ് യുവതിയ്‌ക്ക് ലഭിച്ചത് .
സ്കൂൾ അസിസ്റ്റന്റുമാരിൽ ഒരാളുടെ ഇസ്ലാമിക് സ്റ്റേറ്റ് ബന്ധത്തെക്കുറിച്ച് തൊഴിലുടമയ്‌ക്ക് ഒന്നും അറിയില്ലായിരുന്നുവെന്ന് പോലീസ് പറയുന്നു . സംഭവം നടക്കുമ്പോൾ ജീവനക്കാരി പ്രായപൂർത്തിയാകാത്തവളായിരുന്നുവെന്നും , ലിൻസ് നഗരത്തെ നിയമം അനുശാസിക്കുന്ന ശിക്ഷാവിധിയെക്കുറിച്ച് അറിയില്ലായിരുന്നുവെന്നും അതിനാലാണ് ശിക്ഷ കുറഞ്ഞതെന്നും പോലീസ് വ്യക്തമാക്കി.
കുട്ടികൾ പാവകളെ തലയറുത്ത് കൊല്ലുന്ന വീഡിയോകൾക്കൊപ്പം “ഇസ്ലാമിക് സ്റ്റേറ്റ് നിലനിൽക്കുന്നു, വികസിച്ചുകൊണ്ടിരിക്കുന്നു” എന്ന് ഉറക്കെ പറയുന്ന വീഡിയോകളും യുവതി പങ്ക് വച്ചിരുന്നു .
Comments