ന്യൂഡൽഹി: പുതിയ എൻസിഇആർടി പാഠപുസ്തകങ്ങൾ 22 ഭാഷകളിലായി പുറത്തിറക്കുമെന്ന് കേന്ദ്ര വിദ്യാഭ്യാസമന്ത്രി ധർമ്മേന്ദ്ര പ്രധാൻ. ന്യൂഡൽഹിയിൽ ചേർന്ന എൻസിഇആർടി ദേശീയ സ്റ്റീയറിംങ് യോഗത്തിലാണ് പാഠപുസ്തക പരിഷ്‌കരണത്തെക്കുറിച്ച് ധർമ്മേന്ദ്ര പ്രധാൻ വ്യക്തമാക്കിയത്. രാജ്യത്ത് ആദ്യമായാണ് എൻസിഇആർടിയുടെ പാഠപുസ്തകങ്ങൾ 22 ഭാഷകളിലായി പുറത്തിറക്കുന്നത്.
2024-25 അദ്ധ്യയന വർഷങ്ങളിൽ വിദ്യാലയങ്ങളിൽ പുതിയ പാഠുപസ്തക പുറത്തിയിറക്കുമെന്ന് വിദ്യാഭ്യാസ മന്ത്രാലയം അറിയിച്ചു. ഈ മാസം അവസാനത്തോടെ രണ്ടാം ക്ലാസ്സ് വരെയുള്ള പാഠപുസ്തകങ്ങൾ പുറത്തിറക്കുമെന്ന് അധികൃതർ വ്യക്തമാക്കി. പാഠപുസ്തകങ്ങൾ ഡിജിറ്റൽ രൂപത്തിലും കൊണ്ടുവരാനുള്ള പദ്ധതികൾ നടപ്പിലാക്കുവാൻ വിദ്യാഭ്യാസ മന്ത്രാലയം ആസൂത്രണം ചെയ്യുന്നുണ്ട്.
പാഠപുസ്തകങ്ങൾ വിവിധ ഭാഷകളിലേയ്‌ക്ക് വിവർത്തനം ചെയ്യുവാൻ ഓൾ ഇന്ത്യ കൗൺസിൽ ഫോർ ടെക്‌നിക്കൽ എഡിജ്യൂക്കേഷന്റെ സഹായം എൻസിഇആർടി അഭ്യർത്ഥിച്ചിട്ടുണ്ട്. മലയാളം, ഹിന്ദി, ഇംഗ്ലീഷ്, ഉറുദു, കശ്മീരി, തമിഴ്, കന്നഡ, ബംഗാളി എന്നിവയുൾപ്പെടെ 22 ഭാഷകളിലായാണ് പാഠപുസ്തകങ്ങൾ പുറത്തിറക്കുന്നത്.
