ഗാന്ധിനഗർ: രാമനവമി ഘോഷയാത്രയ്ക്ക് നേരെ മതമൗലികവാദികളുടെ ആക്രമണം. ഗുജറാത്തിലെ വഡോദരയിലാണ് സംഭവം. ഫത്തേപൂർ ഏരിയയിൽ വ്യാഴാഴ്ച നടന്ന രാമനവമി ഘോഷയാത്രയ്ക്ക് നേരെ കല്ലേറുണ്ടാവുകയായിരുന്നു. സംഭവത്തിൽ ചില വാഹനങ്ങൾക്ക് നാശനഷ്ടമുണ്ടായതായി പോലീസ് അറിയിച്ചു. ആർക്കും പരിക്കേറ്റിട്ടില്ല.
കഴിഞ്ഞ ഏതാനും വർഷങ്ങളായി തുടർച്ചയായി ഘോഷയാത്ര പോകുന്ന വഴിയിലാണ് പ്രശ്‌നമുണ്ടായത്. നിലവിൽ സംഘർഷാവസ്ഥയില്ലെന്നും സ്ഥിതിഗതികൾ നിയന്ത്രണവിധേയമാണെന്നും പോലീസ് അറിയിച്ചു. ആക്രമണത്തിന് ശേഷം പോലീസ് അകമ്പടിയോടെ ഘോഷയാത്ര തുടരുകയായിരുന്നു.
അതേസമയം പശ്ചിമ ബംഗാളിൽ രാമനവമി ഘോഷയാത്ര നടത്തുന്നവർക്ക് പ്രത്യേക നിർദേശവുമായി മുഖ്യമന്ത്രി മമതാ ബാനർജി രംഗത്തെത്തി. മുസ്ലീം ഏരിയകൾ ഒഴിവാക്കി ഘോഷയാത്ര നടത്തണമെന്നായിരുന്നു മുഖ്യമന്ത്രിയുടെ നിർദേശം.
Comments