ന്യൂഡൽഹി: ഐപിഎൽ പതിനാറാം സീസണിന് കൊടിയേറാൻ ഇനി മണിക്കൂറുകൾ മാത്രം. കൊറോണക്ക് ശേഷമുള്ള ആഢംബരപൂർവ്വമായ ആഘോഷങ്ങൾക്ക് മാറ്റു കൂട്ടാൻ ചലച്ചിത്ര താരങ്ങളുടെ നിര തന്നെയുണ്ട്. നടിമാരായ രശ്മിക മന്ദാന, തമന്ന ഭാട്ടിയ, ഗായകൻ അരിജിത് സിംഗ് തുടങ്ങിയവർ ഐപിഎൽ 2023-ന്റെ ഉദ്ഘാടന ചടങ്ങുകൾക്ക് കൂടുതൽ മാറ്റ് കൂട്ടും. അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ ആണ് ഉദ്ഘാടന ചടങ്ങുകൾ നടക്കുക.
എന്നാൽ ചലച്ചിത്ര രംഗത്ത് നിന്ന് കൂടുതൽ പേരെ പ്രതീക്ഷിക്കുന്നുണ്ട്. വെള്ളിയാഴ്ച വൈകിട്ട് ആറ് മണിക്ക് ഉദ്ഘാടന പരിപാടികൾ ആരംഭിക്കും ശേഷം രാത്രി ഏഴരയ്ക്കാണ് ഗുജറാത്ത് ടൈറ്റൻസ്-ചെന്നൈ സൂപ്പർ കിംഗ്സ് ആദ്യ മത്സരം ആരംഭിക്കുക. ഗുജറാത്തിനെ ഹാർദിക് പാണ്ഡ്യയും ചെന്നൈയെ എം എസ് ധോണിയുമാണ് നയിക്കുന്നത്.
ബുക്ക്മൈഷോയും പേടിഎം ഇൻസൈഡർ ആപ്ലിക്കേഷൻ വഴിയും ഐപിഎൽ ഉദ്ഘാടന മത്സരത്തിന്റെ ടിക്കറ്റ് എടുക്കാവുന്നതാണ്. സ്റ്റാർ സ്പോർട്സ് നെറ്റ്വർക്കാണ് ഇന്ത്യയിൽ ഐപിഎല്ലിന്റെ ടെലിവിഷൻ സംപ്രേഷണ അവകാശം ഉള്ളത്. വൂട്ട്, ജിയോ സിനിമ എന്നീ ആപ്ലിക്കേഷനുകളിലൂടെയും ഇവയുടെ വെബ്സൈറ്റുകൾ വഴിയും ഉദ്ഘാടന ചടങ്ങും ഗുജറാത്ത്-ചെന്നൈ മത്സരവും കാണാൻ സാധിക്കും.
Comments