ന്യൂഡൽഹി : രാമനവമിയുമായി ബന്ധപ്പെട്ട കലാപങ്ങളുടെ പശ്ചാത്തലത്തിൽ മുസ്ലീം മതനേതാക്കളുടെ പ്രതിനിധി സംഘം ആഭ്യന്തര മന്ത്രി അമിത് ഷായെ കണ്ട് ചർച്ച നടത്തി . വർഗീയ കലാപങ്ങളും വിദ്വേഷ പ്രസംഗങ്ങളും ചർച്ചാ വിഷയമായി . ജംഇയ്യത്തുൽ ഉലമ-ഇ-ഹിന്ദ് പ്രസിഡന്റ് മൗലാന മഹമൂദ് മദനി, സെക്രട്ടറി നിയാസ് ഫാറൂഖി, ഓൾ ഇന്ത്യ മുസ്‌ലിം പേഴ്‌സണൽ ലോ ബോർഡ് അംഗങ്ങളായ കമാൽ ഫാറൂഖി, പ്രൊഫസർ അക്തറുൽ വാസി എന്നിവർ സംഘത്തിൽ ഉണ്ടായിരുന്നു .
രാജ്യം നേരിടുന്ന 14 വെല്ലുവിളികൾ പ്രതിനിധി സംഘം ഉന്നയിച്ചതായി നിയാസ് ഫാറൂഖി പറഞ്ഞു. ബിഹാർ, പശ്ചിമ ബംഗാൾ, മഹാരാഷ്‌ട്ര എന്നിവിടങ്ങളിൽ അടുത്തിടെ നടന്ന വർഗീയ കലാപങ്ങളാണ് യോഗത്തിൽ ചർച്ച ചെയ്ത പ്രധാന വിഷയങ്ങളെന്നും അദ്ദേഹം പറഞ്ഞു.
രാഷ്‌ട്രീയ പ്രസംഗങ്ങളിൽ നിന്ന് വ്യത്യസ്‌തനായിരുന്നു അമിത് ഷാ. അദ്ദേഹം പോസിറ്റീവായി പ്രതികരിച്ചു, ഞങ്ങൾ വിശദമായി കേട്ടു, നിഷേധാത്മക രീതിയിലായിരുന്നില്ല ചർച്ചകൾ – നിയാസ് ഫാറൂഖി പറഞ്ഞു.
ബിജെപി ഇതര സംസ്ഥാനങ്ങളിൽ നടന്ന സംഭവങ്ങളിൽ ഭൂരിഭാഗവും രാമനവമി ഘോഷയാത്രയിലാണ് നടന്നത്. എല്ലാത്തരം ആളുകളുമുണ്ടെന്ന് അദ്ദേഹം ഞങ്ങളോട് പറഞ്ഞു, അതിനാൽ എല്ലാവരേയും ഒരേ പ്രിസത്തിലൂടെ കാണുന്നത് ശരിയല്ല. സർക്കാരിന് ഇതിൽ പങ്കില്ലെന്നും നിയാസ് ഫാറൂഖി പറഞ്ഞു.
.
സ്വവർഗ വിവാഹം, ഏകീകൃത സിവിൽ കോഡ് എന്നീ വിഷയങ്ങളും ചർച്ച ചെയ്തതായി അദ്ദേഹം പറഞ്ഞു. “ഞങ്ങൾ ഞങ്ങളുടെ നിലപാട് പ്രകടിപ്പിച്ചു, എന്നാൽ അദ്ദേഹം ഇതിനോട് പ്രതികരിച്ചില്ല,” നിയാസ് ഫാറൂഖി കൂട്ടിച്ചേർത്തു.
Comments