പെട്രോൾ പമ്പ് ഉടമയെ തട്ടി കൊണ്ടു പോയി കൊലപ്പെടുത്തിയ സംഭവം ; കേസിൽ പ്രതികൾ കുറ്റക്കാരെന്ന് കോടതി

തൃശൂർ: പെട്രോൾ പമ്പ് ഉടമയെ തട്ടി കൊണ്ടു പോയി കൊലപ്പെടുത്തിയ കേസിലെ പ്രതികൾ കുറ്റക്കാരെന്ന് കോടതി. പ്രതികളായ കയ്പമംഗലം സ്വദേശികളായ കല്ലിപറമ്പിൽ അനസ്, കുന്നത്ത് അൻസാർ, കുറ്റിക്കാടൻ സ്റ്റിയോ എന്നിവരെയാണ് കുറ്റക്കാരെന്ന് കണ്ടെത്തിയത്.

2019 ലായിരുന്നു കേസിനാസ്പദമായ സംഭവം. കയ്പമംഗലം “മൂന്നുപീടിക ഫ്യൂവൽസ് ” എന്ന പെട്രോൾ പമ്പിന്റെ ഉടമ കോഴിപറമ്പിൽ മനോഹരനെ തട്ടികൊണ്ടു പോയി കൊലപ്പെടുത്തുകയായിരുന്നു. ഈ കേസിൽ ആണ് കോടതി വിധി. 2019 സെപ്റ്റംബർ 15ന് പുലർച്ചെ 1 മണിയോടു കൂടിയായിരുന്നു കൊലപാതകം. ശിക്ഷാവിധി 17 ന് വിധിക്കും.