ട്വിറ്ററിലെ സാങ്കേതിക തകരാർ; പ്രതിഷേധവുമായി ഉപഭോക്താക്കൾ; ഖേദം അറിയിച്ച് കമ്പനി

ന്യൂഡൽഹി: ട്വിറ്റർ ഉപയോഗിക്കുന്നതിന് തടസം നേരിട്ടതായി പരാതിയുമായി ഉപഭോക്താക്കൾ. കഴിഞ്ഞ ദിവസമാണ് ട്വീറ്റുകളുടെ റിപ്ലേ നൽകുന്നതിൽ സാങ്കേതിക തകരാർ സംഭവിച്ചത്. പ്രശ്‌നം നേരിടുന്നതായി അറിയിച്ച് ഉപഭോക്താക്കൾ തന്നെ അറിയിച്ചതോടെ വിശദീകരണവുമായി കമ്പനി രംഗത്തെത്തി.

കഴിഞ്ഞ 24 മണിക്കൂറിനുള്ളിൽ ട്വിറ്റർ ഉപയോഗിക്കുന്നതിന് 47 ശതമാനം ഉപഭോക്താക്കൾക്കും പ്രശ്‌നം നേരിട്ടതായും ഡൗൺഡിക്ടർ എന്ന ഔട്ടേജ് മോണിറ്ററിംഗ് വെബ്‌സൈറ്റ് റിപ്പോർട്ട് ചെയ്തു. ഇതുമായി ബന്ധപ്പെട്ട് കഴിഞ്ഞ ദിവസം രാത്രി 10.45ന് ഇന്ത്യയിൽ നിന്നും 1,338 പരാതികൾ ലഭിച്ചരുന്നതായി ട്വിറ്റർ അധികൃതർ വ്യക്തമാക്കി. നിങ്ങളിൽ ചിലർക്ക് ട്വീറ്റുകൾക്ക് മറുപടി നൽകുന്നതിൽ പ്രശ്‌നങ്ങൾ അനുഭവപ്പെട്ടതിൽ ഞങ്ങൾ ഖേദം പ്രകടപ്പിക്കുന്നതായും ട്വിറ്റർ അറിയിച്ചു.

ട്വിറ്ററിൽ പുതിയ മാറ്റങ്ങൾ കാരണമാണ് തകരാറുകൾ സംഭവിക്കുന്നതെന്ന് അധികൃതർ വ്യക്തമാക്കി. ഇത്തരം മാറ്റങ്ങൾ കാരണം കഴിഞ്ഞ മാസവും ട്വിറ്ററിൽ പ്രശ്‌നങ്ങൾ റിപ്പോർട്ട് ചെയ്തിരുന്നു.