ഏഷ്യയിലെ ഏറ്റവും വലിയ തുലിപ്‌സ് പൂന്തോട്ടത്തിൽ വിനോദസഞ്ചാരികളുടെ എണ്ണത്തിൽ റെക്കോർഡ് വർദ്ധനവ് ; 3.7 ലക്ഷം പേർ സന്ദർശിച്ചു

ശ്രീനഗർ : ഏഷ്യയിലെ ഏറ്റവും വലിയ തുലിപ്‌സ് പൂന്തോട്ടത്തിൽ വിനോദസഞ്ചാരികളുടെ എണ്ണത്തിൽ റെക്കോർഡ് വർദ്ധനവ്. ഈ വർഷം വിദേശികളടക്കം 3.7 ലക്ഷം വിനോദസഞ്ചാരികളാണ് തുലിപ്‌സ് ഗാർഡൻ സന്ദർശിച്ചത്. ഇതിൽ മൂന്ന് ലക്ഷത്തിലധികം പേർ രാജ്യത്ത് പുറത്ത് നിന്നുള്ള വിനോദസഞ്ചാരികളാണ്.

ജമ്മുകശ്മീരിലെ സബർവാൻ മലനിരകളുടെ താഴ്‌വാരത്തിലാണ് തുലിപ്‌സ് പൂക്കൾ വിരിയുന്നത്. ഈ വർഷം തുലിപ്‌സ് പൂന്തോട്ടത്തിൽ 15 ലക്ഷം തുലിപ് പൂക്കളാണ് ഉണ്ടായിരുന്നത്. വിനോദസഞ്ചാരികളുടെ പ്രവാഹമാണ്പൂന്തോട്ടത്തിലുണ്ടയിരുന്നത്. തായ്‌ലൻഡ്, അമേരിക്ക, യൂറോപ്പ് എന്നിവിടങ്ങളിൽ നിന്നുള്ള വിനോദസഞ്ചാരികളും പൂന്തോട്ടത്തിൽ സന്ദർശിച്ചിരുന്നു.

കാശ്മീരിലെ ടൂറിസം മേഖലയെ മുന്നോട്ട് കൊണ്ടുപോകുന്നതിൽ തുലിപ് പൂന്തോട്ടം നിർണ്ണായക പങ്ക് വഹിച്ചിട്ടുണ്ടെന്നും അധികൃതർ അറിയിച്ചു. കഴിഞ്ഞ വർഷം മാർച്ചിൽ 3.60 ലക്ഷം പേരാണ് തുലിപ്‌സ് പൂന്തോട്ടം സന്ദർശിച്ചത്.