മലയാളികളുടെ ഏറ്റവും പ്രിയങ്കരനാണ് ജയറാം. കുടുംബചിത്രങ്ങളിലൂടെയാണ് മലയാളിഹൃദയങ്ങളിലേക്ക് ജയറാം ചേക്കേറിയത്. ജനപ്രീതിയിലും ആരാധകരുടെ എണ്ണത്തിലുമെല്ലാം ജയറാം മുൻപന്തിയിൽ തന്നെ. താരത്തിന്റെ കുടുംബവിശേഷങ്ങളെല്ലാം കേൾക്കാനും പ്രേക്ഷകർക്ക് ഏറെ ഇഷ്ടമാണ്. നടി പർവതിയും മകൻ കാളിദാസും മകൾ മാളവികയുടെയുമെല്ലാം വിശേഷങ്ങൾ പലപ്പോഴും സമൂഹമാദ്ധ്യമങ്ങളിൽ വെെറലാണ്.
ജയറാമും പാർവതിയും ഒന്നിക്കുന്ന അഭിമുഖങ്ങളെല്ലാം പ്രേക്ഷകർക്ക് ഏറെ കൗതുകമുണർത്തുന്നതാണ്. ഒത്തിരി സിനിമകളിൽ ഒന്നിച്ചഭിനയിച്ച ശേഷമാണ് ഇരുവരും ജീവിതത്തിൽ ഒന്നായത്. ഇപ്പോഴിതാ ഒരു പ്രമുഖ ചാനലിന് നൽകിയ അഭിമുഖത്തിൽ ജയറാമും പാർവതിയും ഒന്നിച്ചെത്തിയപ്പോഴുണ്ടായ ചില വിശേഷങ്ങളാണ് സമൂഹമാദ്ധ്യമങ്ങളിൽ വെെറലാകുന്നത്. അഭിമുഖത്തിനിടെ പാർവതിയിൽ തനിക്കിഷ്ടമല്ലാത്ത ഒരു കാര്യം ജയറാം തുറന്നുപറഞ്ഞിരുന്നു.
“ഇടയ്ക്ക് മുറുക്കുന്ന ശീലം പാർവ്വതിക്കുണ്ട്. അശ്വതിയുടെ (പാർവ്വതി) അമ്മ മുറുക്കുമായിരുന്നു. കല്യാണത്തിനും മറ്റും പോകുമ്പോൾ അവിടെ വെറ്റില ഇരിക്കുന്നത്
കണ്ടാൽ അതിൽ നിന്ന് ഒരെണ്ണം എടുത്ത് തരാമോ എന്ന് എന്നോട് ചോദിക്കും. വല്ലപ്പോഴും മാത്രമാണെങ്കിലും അത് വൃത്തികേടാണ്, എടുക്കണ്ട എന്ന് ഞാൻ പറയും. എന്നാൽ പറഞ്ഞാലും ഒരെണ്ണം മതി എന്ന് പറഞ്ഞ് നിർബന്ധിക്കും. വർഷത്തിൽ നാലോ അഞ്ചോ തവണ മാത്രമണെങ്കിലും ഇതൊരു വൃത്തികെട്ട സ്വഭാവമാണ്, അനുകരിക്കരുത് എന്ന് മക്കളോട് പറയാറുണ്ട്.” എന്നാണ് ജയറാം പറഞ്ഞത്.
എന്നാൽ ജയറാമിന്റെ ഈ തുറന്നുപറച്ചിൽ സമൂഹമാധ്യമങ്ങളിൽ വൻ ചർച്ചകൾക്ക് വഴി തെളിച്ചിരുന്നു. ചെണ്ടയാണോ ആനയാണോ ഏറ്റവും ഭ്രമപ്പെടുത്തുന്നത് എന്ന ചോദ്യത്തിന് ചെണ്ട എന്നായിരുന്നു നടന്റെ ഉത്തരം. ഏറ്റവും പ്രിയപ്പെട്ട നടി ആരെന്ന ചോദ്യത്തിനും സംശയമില്ലാതെയാണ് ഉർവ്വശി എന്ന ഉത്തരം ജയറാം നൽകിയത്. അതൊരു വേറെ ജന്മം തന്നെയാണെന്നും എത്ര അഭിനയിച്ചാലും മതിയാകില്ലെന്നും ജയറാം പറഞ്ഞു. പാർവതിയോട് ഇതേ ചോദ്യം ചോദിച്ചാലും ഉർവശി എന്ന ഉത്തരം തന്നെയാകും നൽകുക. മമ്മൂക്ക അഥവാ മോഹൻലാൽ എന്ന് ചോദിച്ചാൽ അൽപ്പം കുഴപ്പത്തിലാകുമെന്നും എന്നാൽ താൻ നൽകുന്ന ഉത്തരമെന്തെന്ന് മമ്മൂക്കായ്ക്ക് അറിയാമെന്നും ജയറാം അഭിമുഖത്തിൽ പറയുന്നുണ്ട്.
Comments